Ra’iisal wasaare Kheyre’’ Waxaa jira ciidamo waa hore dhintay oo ku jira liiska ciidamada shaqeeya
Axad, December, 17,
2017 (HOL) - Ra’iisul wasaare Xukuumadda Soomaaliya Xasan Cali Kheyre ayaa
sheegay in xukuumadda Soomaaliya ay dadaal dheer ku bixisay sidii loo ogaan
lahaa tiradda ciidamada xoogga dalka Soomaaliyeed.
Waxaa uu sheegay in baaritaanno badan oo ay sameeyeen in ay soo ogaadeen in
ay jiraan ciidamo badan oo ku jira liiska oo aan shaqeyn iyo kuwa dhintay oo u
diiwaangshay dowladda islamarkaana lacago lagu qaato
‘’Waxaa daraasad aan sameyn ku ogaanay in ay jiraan ciidamo diiwangashay oo
aan soo shaqo tagin, kuwa naafo ah iyo waliba ciidamo waa hore dhintay oo wali
u diiwaangashan ciidamo shaqeeya oo kale’’ ayuu yiri Kheyre..
Kheyre ayaa sidoo kale tilmaamay in ay bilaabeen in ciidamada loo
diwaan geliyo qaab casri ah oo wixii hadda ka danbeeya lagu ogaan doono
Tiradooda, Agabka ay heystaan iyo inta uu la eg yahay baahiyaha ay qabaan.
Wasaaradda difaaca Soomaaliya ayaa bilihii la soo dhaafay waday dadaallo lagu
ogaanaayo tiradda iyo tayadda ciidamada xoogga dalka Soomaaliyeed.
Hadalka ra’iisal wasaaraha ayaa qeyb ka ahaa shir jaraa’id oo uu kaga
jawaabayay go’aankii Mareykanku uu ku joojiyay qeyb ka mid ah dhaqaalihii uu ku
bixin jiray ciidamada xoogga dalka Soomaaliyeed.
C/raxmaan Diini, Hiiraan Online
[email protected]