Soomaali lagu laayay xadka u dhaxeeya dowlad deegaanka Oromada iyo Ismaamulka Soomaalida Itoobiya
Sabti, December, 16, 2017 (HOL) - Ugu
yaraan 65 qof oo Soomaali ah ayaa lagu dilay xadka ay wadaagaan dowlad
degaanada Oramada iyo Soomaalida ee dalka Itoobiya.
Dadkaan ayaa waxaa dilay ciidamada la sheegay in ay yihiin kuwa ay leedahay
dowlad degaanka Oramada ee dalka Itoobiya.
Dadka ayaa ku wada sugnaa hal meel, waxaana la sheegay in ay soo weerareen
ciidamada Oromada kadibna ay laayeen.
Dilka ayaa yimid kaddib markii ciidamada Liyuu Boolis ee dowlad deegaanka
Soomaalida ay dileen Askar ka tirsan ciidamada Oromadda.
Meesha ay dadkaan la laayay ay ku suganaayeen ayaa aheyd goob horay ay kaga
jirtay Cabsi, waxaana la sheegay in dadkaasi ay waardiyeen jireen ciidamada
Xoogga dalka Itoobiya.
Horaantii sanadkaan ayuu bilowday isku dhacyadda u dhaxeeya Soomaalida iyo
Oromadda, waxaana ay iska dileen dad badan .
Dowladda Itoobiya ayaa dhawaan sheegtay in ay gacanta ku dhigtay dadkii ka
dambeeyay Fowdada, islamarkaana ay xabsiga dhigtay, laakiin waxaa muuqda in ay
dib u bilowdeen dagaallada.
Xigashada Warkan VOA