Booliiska Kenya oo lagu eedeeyay Kufsi iyo Jirdil
Jimco, December, 15, 2017 (HOL) -- Hay’adda Xuquuqda Aadanaha
ee Human Rights Watch ayaa sheegtay in inti lagu guda jiray doorashadi
madaxtinimo ee Kenya ka dhacday sanadkan, ay ciidanka boolisku kufsadeen tiro Haween
ah islamarkaana jirdil u geysteen dad rayid ah.
Warbixin cusub oo soo saartay Hay’addan, ayeey ku sheegtay in ay dhaceen Xad-gudubyo
baahsan oo dhinaca galmada ah oo loo geystay dumar, waxaa kale oo ay ku
eedeeysay ciidamada Booliiska, in ay awood xad-dhaaf ah u adeegsadeen dad
mudaaharaadaayay.
Jirdil, dhac iyo dil ayaa ka mid ahaa Danbiyada ay Human Rights Watch ku
eedeysay ciidamada Booliska Kenya.
Taliyaha ciidamada Booliska Kenya Joseph Boinnet, ayaa ku tilmaamay warbixintan
been la soo dhoo-dhoobay, isaga oo ugu baaqay hay'adda Human Rights Watch in ay keento
caddeymo.
C/raxmaan Diini, Hiiraan Online
[email protected]
