3/29/2024
Today from Hiiraan Online:  _
Wararka Maanta- Arbaco, Dec 13, 2017
Madaxweynaha cusub ee Somaliland oo maanta la caleemo saarayo

 

Arbaco, December, 13, 2017 (HOL) - Xarunta madaxtooyadda Somaliland waxan saakay loogu diyaar garoobayaa caleemo saarka madaxweynaha cusub ee Somaliland Muuse Biixi Cabdi iyo sagootinka madaxweynihii hore Axmed Maxamed Siilaanyo.

Munaasibadda Caleemo saarka madaxweynaha cusub Muuse Biixi Cabdi waxey ka dhacaysa qasriiga madaxtooyadda magaaladda Hargeysa, waxaana loo qoondeeyey in ay ka qaybgalaan dad lagu qiyaasay illaa Kun iyo Shan Boqol oo qof.

Wufuudda caalamiga ah ee lagu casuumay oo illaa shalay dalka iminaysay ayaa ka kala timid dalalka Jabuuti, Itoobiya, Kenya, Ungandha, Imaaraadka Carabta, safiiradda midowga Yurub, Maraykanka iyo shakhsiyaadka caanka ah ee dalalka shisheeye ugu ololeeya qadiyada madax banaanidda Somaliland.

Sidoo kale, xafladan waxa ka soo qaybgallaya madaxweynihii hore ee Somaliland Daahir Rayaale Kaahin oo isaguu uu bedelay madaxweynaha hadda la bedelayo ee Axmed Siilaanyo.

Caleemo saarka madaxweynaha cusub Muuse Biixi Cabdi ayaa shacabka Somaliland rajo weyn ka qabaan inuu wax ka qaban doonno musuqmaasuqa, cadaalad daradda iyo saraynta sharciga, waxaana lagu yaqaanaa inuu yahay madaxweyne ad adag,isla markaana go’aan qaadasho leh,isagoo turtaba iska fogeeyey madax dhaqameedkii nin walba wasiirka watay, isagoo madax dhaqameedka ku armay inay ku eekadaan uun dhaqankoodda taas oo ah arrimaha cusub Somaliland.

Dadweynuhu waxay aad u dhaliili jireen xukuumaddii hore, waxaana madaxweynaha cusub laga filaya in aanu golihiisa wasiirada ku soo darin xubno kamid ah golihii wasiiraddii hore, waxa kale oo lagu wadaa inuu yareeyo golaha wasiiradda oo uu magacaabo dad tayo leh, iyado illaa hadda aanay ogayn wasiirada uu magacaabayo, taas oo xisbiyadda mucaaradku ku amaaneen inuu sirtiisa qariyo, halka madaxtii hore markiiba la ogaan jirin inta qof ee uu wasiir ka dhigayo iyo talaabo walba uu qaadayo la sii ogaan jirininta aanu shaacin.

Dhinaca kale,Waxa kale oo xusid mudan dad badana guddiga qabanqaabadda ku dhaliileen in kaadhadhka munaasiabdaasi lagu soo daabacay dalka Dubia, iyadoo ay jiraan madbacaddo muwaadiniin ah oo dalka ku yaalla oo awoodi kari inay kaadhadhkaasi iyo kuwo ka heer sareeyaaba daabacaan, nasiib daro waxa la door biday in dibada laga soo daabaco.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
12/13/2017 2:47 PM EST
Arbaco, December, 13, 2017 (HOL) - Magaalada Istanbul ee Turkiga waxaa ka furmay shir madaxeedka waddamada Islaamka oo ay kaga hadlaan jawaabta ay ka bixinayaan go’aankii dhowaan madaxweynaha Maraykanka Donald Trump uu magaalada Jeresalem ugu aqoonsaday caasimaddda Israa’iil.

12/13/2017 9:53 AM EST
Arbaco, December,13,2017 (HOL)–Mukhtaar Roobow Abuu Mansuur oo mudooyinkii ugu danbeeyay safarro kala duwan ku marayay qeybo ka tirsan gobollada Bay iyo Bakool ayaa maanta lagu soo dhaweeyay magaalada Kismaayo.

12/13/2017 9:43 AM EST
Arbaco, December,13,2017 (HOL)–Wararka naga soo gaaraya degmada Jalalaqsi ee gobolka Hiiran ayaa sheegya in diyaarado dagaal xalay duqeyn ka fuliyee saldhig Al-shabaab au ku leeyihiin deegaan lagu magacaabo Show.

12/13/2017 8:36 AM EST
Arbaco, December, 13, 2017 (HOL) – Madaxweynaha Cusub ee Somaliland ayaa sheegay in shantii Soomaaliyeed ay Soomaaliya oo kaliya ka maqnayd munaasibadda caleemo saarka, waxaanu taas ku sababeeyey in aanay Somaliland u aqoonsanayn qaran madax banaan.

12/13/2017 6:11 AM EST
Arbaco, December, 13, 2017 (HOL)–Dhawaan ayeey aheyd markii xoogag ka tirsan Al-shabaab dab ku qabadsiiyeen deegaanka Maroodile ee hoostaga degmada Beledweyne Lix gaadiid kuwa Xamuulka qaado ah iyo badeecadii saarneyd intaba.

12/13/2017 5:43 AM EST
Arbaco, December, 13, 2017 (HOL)–Xildhibaanada Baarlamaanka Soomaaliya ayaa goor dhow ansixiyay Miisaaniyadda sanadka 2018, kaddib markii dood adag ay ka yeesheen Miisaaniyadda oo ay horay u soo ansixiyeen Golaha Wasiirada.

12/13/2017 4:42 AM EST
Arbaco, December, 13, 2017 (HOL)–Waxaa goor dhaw xarunta madaxtooyada Somaliand ku soo dhamaatay Munaasabad ballaaran oo ay xilalka kula kala wareegayeen madaxweynihii hore ee Somaliland Axmed Maxamed Maxamuud Siilaanyo iyo madaxweynaha cusub ee la doortay Muuse Biixi Cabdi.

12/13/2017 4:20 AM EST
Arbaco, December, 13, 2017 (HOL) –Maxamed Amin Baryare Cali oo ah orodyahan Soomaaliyeed oo da' yar ayaa ku guulaystay tartanka orod-dada dheer ee loo yaqaan "SEAA Inter County Cross Country Championships".kaasi oo 9-kii bishan aynu ku jirno lagu qabtay magaalada London ee Ingriiska.

12/13/2017 4:05 AM EST
Arbaco, December, 13, 2017 (HOL) – Wararka naga soo gaaraya gobolka Shabeellaha Hoose aya sheegaya in Al-Shabaab ay deegaanka Kuunya Barrow ay gacanta uga jareen wiil 19-jir ah oo lagu soo eedeeyay inuu xaday lacag iyo agabyo kale.

12/13/2017 1:38 AM EST
Arbaco, December, 13, 2017 (HOL)–Xildhibaannada Baarlamaanka Soomaaliya ayaa lagu wadaa in ayaa maanta mar kale dood ka yeelanaya Miisaaniyada Dowladda ee 2018-ka.

12/13/2017 1:21 AM EST
Arbaco, December, 13, 2017 (HOL) – Taliska Ciidamada Mareykanka Africa ee (AFRICOM) ayaa war ka soo saaray duqayn xilli dambe oo habeen ka hor ka dhacday deegaanka Mubaarak oo ka tirsan gobolka Shabeellaha Hoose.

12/13/2017 1:11 AM EST
Arbaco, December, 13, 2017 (HOL) – Magaalada Istanbul ee dalka Turkiga waxaa maanta ka furmaya shirka ururka iskaashiga Islaamka ee loo soo gaabiyo (OIC), kaasi oo uu ku dhawaaqay 6-dii bishan Madaxweyne Recep Tayyip Erdogen.

12/13/2017 12:57 AM EST
Arbaco, December, 13, 2017 (HOL) – Wasiirka Warfaafinta Dhaqanka & Dalxiiska Eng C/raxmaan Cumar Cismaan Yariisoow oo ka qeybgalaya Shirweynaha 2aad ee Caalamka ee Dhaqanka & Dalxiiska oo ay soo qabanqaabiyeen hay’adaha UNWTO iyo UNESCO oo lagu qabtay magaalada Masqad ee Saldanada Cumaan ayaa yiri Soomaaliya waxey soo nooleyneysaa Dhaqanka & Dalxiiska si dalka nabad iyo horumar loogu soo dabaalo.