Xaaladda deegaanka Xeraale oo maanta deggan kaddib dagaal shalay ilaa xalay ka dhacay
Jimco, Augusto, 18, 2017 (HOL) –Xaaladda deegaanka Xeraale ee degmadda
Caabud-waaq, ayaa saaka deggan kaddib dagaal shalay ilaa xalay ka dhacay
deegaanka.
Dagaalladii ka dhacay deegaanka ayaa waxaa uu u dhaxeeyay dadka deegaanka
iyo xooggaga Ahlusunna.
Dagaalkan ayaa yimid kaddib markii ay guul darreysteen wadahadallo u
dhaxeeyay labada dhinac, kaas oo maalmihii lasoo dhaafay ka socday
deegaanka.
Ilaa iyo hadda lama ogga khasaaraha ka dhashay dagaalladii ka dhacay
deegaanka.
Maamulka degmadda Caabudwaaq, ayaa sheegay in ay dhawaan ka warbixin doonaan
khasaaraha ka dhashay dagaalka.
Dadka deegaanka ayaa horay uga barakacay xaafadahooda, kuwaas oo ka
baqanayay in dagaal uu ku dul qarxo.
Hiiraan Online,
Hassan Istiila
[email protected]
Mogadishu,Somalia
