SWEDEN: Soo dhaweyn loo sameeyay Agaasimaha Hey’adda Socdaalka iyo Jinsiyadaha Dowladda Soomaaliya
Axad, Augusto 13, 2017 (HOL) Jaaliyadda Soomaaliyeed ee magaalada Stockholm,
caasimadda dalka Sweden, ayaa xaflad casho sharaf ah oo soo dhaweyn ah waxa ay
xalay ugu sameysay maqaayadda weyn ee Juba Restuarant Agaasimaha Hey’adda Socdaalka iyo Jinsiyadda ee dowladda Soomaaliya Maxamed Aadan (Koofi) iyo Cali Cabdi Wardheere (Cali Yare) oo ka howl-gala xafiiska madaxweynaha Soomaaliya.
Soo dhaweynta
iyo xafladda oo aheyd mid si weyn loo soo abaabulay ayaa waxaa ka qeyb -galay qeybaha kala duwan ee jaaliyadda
Soomaaliyeed ee Stockholm, sida madaxda ururada bulshada, odayaasha, haweenka,
dhallinyarada,aqoonyahannada iyo bahda ciyaaraha.
Waxaa halkaasi
gabay qiimo badan oo waddaniyadeed ka soo jeediyey abwaanka weyn ee Soomaaliyeed
Abwaan Mustafa Shiikh Cilmi.
Agaasimaha
hay’adda socdaalka iyo jinsiyadda Maxamed Aadan (Koofi), oo safarshaqo ku
jooga Yurub, ayaa jaaliyadda Soomaaliyeed uga warbixiyey howlaha hey’adda iyo
horumarka ay ka gaartay dhinaca maamulka arrimaha socdaalka.
Sidoo kale
waxa uu agaasimuhu ka warbixiyey arrimaha la xiriira baasaboorka Soomaaliga iyo
aqoonsigiisa, wuxuuna ka jawaabay su’aalo la xiriira arrimaha socdaalka ee
dalka.
Ugu dambeyntii
waxaa kulanka qudbad aad dheer ka soo
jeediyey Cali Cabdi Wardheere (Cali Yare)ookahowlgalaXafiiskaMadaxweynaha.
Khudbada Cali Yare ayaa isugu jirtay ka warbixin xaaladd aguud
ee uu dalka marayo, waxyaabaha u
qamsoomay dowladda Soomaaliya, iyo qorshayaashooda soo socda.
Waxa uu
sheegay in horumar weyn laga sameeyey dhinacyada amniga, dowlad wanaagga iyo la
dagaalanka musuqmaasuqa.
Kulanka soo dhaweynta waxa uu ku
soo dhammaday jawi aad u deggan oo madaxdii iyo martigii joogtay ay ku qanceen.
