3/28/2024
Today from Hiiraan Online:  _
Wararka Maanta- Sabti, Aug 12, 2017
Farmaajo “ Uhuru Kenyatta ma aha saaxiib qura balse waa hoggaamiye dadaal badan oo dareen horumarineed leh”

Sabti, Augusto 12, 2017 (HOL) –Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa u hambalyeeyay dhigiisa Mudane Uhuru Kenyatta, kaas oo markii labaad loo doortay madaxweynaha dalka Kenya.

Madaxweynaha ayaa yiri “Madaxweyne Kenyatta ma aha saaxiib qura, balse waa hoggaamiye dadaal badan oo dareen horumarineed leh. Waan ugu hambalyeynayaa guushiisa.”

“Madaxwyene Farmaajo waxa uu kalsooni weyn ku qabaa in dib u doorashada Madaxweyne Kenyatta ay sii xoojineyso xiriirka wanaagsan ee haatan ka dhaxeeya Soomaaliya iyo Kenya”, ayaa lagu yiri warka.

“Aniga iyo Madaxweyne Kenyatta waxaan wadaagnaa hiraal ku dhisan nabad, xasillooni iyo koboc dhaqaale oo dhexmara labadeenna dal iyo guud ahaa gobolka.”

Soomaaliya waxaa kala dhaxeeya Kenya xiriir dhaqaalle iyo mid diblomaasiyadeed oo qotodheer, kaas oo sii xoogeystay kaddib markii Madaxweyne Farmaajo uu booqday Nayroobi bishii Maarso ee sanadkan.

Dowladda Federaalka Soomaaliya waxaa ka go’an in ay hormariso nabadda, ganacsiga iyo iskaashiga dhaqaale ee ay la wadaagto Kenya.

Musharraxan oo ka tirsan xisbiga Jubilee ayaa helay 54% codadkii la dhiibtay halka musharraxa xisbiga mucaaradka Raila Odinga uu helay 44% codadkii la tiriyay.

Xisbiga mucaaradka ah ee NASA ee uu hogaamiyo Raila Odinga ayaa sheegay in aysan ku qanacsaneyn sida ay u dhacday doorashadan, balse kormeereyaasha caalamiga ah ayaa ammaanay gudiga iyaga oo sheegay in ay qabteen doorasho xor iyo xalaal ah.

Hiiraan Online,
Hassan Istiila
[email protected]
Mogadishu,Somalia

 













Click here
8/12/2017 10:22 AM EST
Sabti, Augusto 12, 2017 (HOL) –Wararka ka imanaya degmada Jamaame ee gobolka Jubbada dhexe ayaa sheegaya in Al-shabaab halkaa ku toogteen labo dhalinyaro ah oo ay ku eedeeyeen in ay basaas ahaayeen sida laga soo xigtay goob joogayaal ah.

8/12/2017 8:47 AM EST
Sabti, Augusto 12, 2017 (HOL) –Ayado mudoyinkii u danbeeyay ay magaalada Kismaayo iyo guud ahaan gobollada Jubooyinka kusoo badanayeen raashiinka waqtigiisu dhacay ee lagu iibiyo suuqyada

8/12/2017 7:38 AM EST
Sabti, Augusto 12, 2017 (HOL) –Maxkamad ku taalla dalka India ayaa shalay oo jimco aheyd xukun ku riday 27 qof oo Soomaali ah, kuwaas oo ciidamada India sanadkii 2011 ay ka qabteen badda dalkaasi.

8/12/2017 7:09 AM EST
Sabti, Augusto 12, 2017 (HOL) –Wafdi ka socda howlgalka Midowga Africa ee AMISOM iyo saraakiil ka tirsan ciidanka Police-ka dowladda Soomaaliya ayaa dhawaan laba maalin oo tababar ah waxaa ay usoo geba-gebeeyeen ciidamo police ah oo u diiwaan gashan maamulka Hirshabeelle.

8/12/2017 3:12 AM EST
Sabti, Augusto 12, 2017 (HOL) – Rasaas ayaa laga maqlay qeybo ka mid ah xaafaddaha ay ku badan yihiin taageerayaasha hogaamiyaha mucaaradka Raila Odinga, kaddib ku dhawaaqistii xalay Uhuru Kenyatta in uu ku guuleystay doorashadii madaxweynaha shanta sano ee soo socta.

8/12/2017 3:11 AM EST
Sabti, Augusto 12, 2017 (HOL) –Dowladda Soomaaliya ayaa maanta dib u furtay waddada isku xirta Isgoyska Shaqaallaha illaa Isgoyska KPP ee magaalladda Muqdishu.

8/12/2017 2:41 AM EST
Sabti, Augusto 12, 2017 (HOL) –Ra’iisul Wasaaraha Xukuumadda Federalka Soomaaliya Mudane Xasan Cali Khayre, ayaa sheegay in ciyaaraha kala duwan ee la ciyaaro ay dadka kusoo jiideen ka shaqeynta nabadda, iyagoona kasoo jeesta colaadihii daashaday.

8/12/2017 2:27 AM EST
Sabti, Augusto 12, 2017 (HOL) –C/raxmaan Max’ed Cusmaan Timacadde, oo kamid ah saraakiisha ciidanka xooga dalka oo kusugan gobolka Bokool ayaa xaqiijiyay in ciidanka dowladda Soomaaliya ay la waregeen deegaanla Abal oo dhawan ay ku dagaallameen Al Shabaab iyo ciidamo daacad u ah Abu Masuur.

8/12/2017 2:13 AM EST
Sabti, Augusto 12, 2017 (HOL) –Ugu yaraan 42 qof ayaa ku dhimatay kadib markii shil tareen uu ka dhacay magaallo xeebeedka dalka Masar ee Alexandria, sida wasaaradda Caafimaadka ay sheegtay.