3/29/2024
Today from Hiiraan Online:  _
Wararka Maanta- Isniin, Apr 24, 2017
Faah faahin: maxkamada ciidamada oo toogasho ku fulisay afar dhalinyaro ah magaalada Baydhabo [Sawirro]


Isniin, April, 24, 2017 (HOL) – Maxkamada ciidamada qalabka sida qeybta 60aad ayaa xukun dil ah ku fulisay subaxnimadii hore ee maanta oo Isniin ah afar dhalinyaro ah oo ku eedeysnaa in ay ka tirsanaayeen ururka Al-shabaab.

Dhalinyarada la toogtay ayaa lagu kala magacaabaa Xassan Aadan Mursal, C/ladhiif Macalin Aadan Cabdiraxmaan, Siyaad Xassan Faarax iyo Sharmad Aawoow Maxamed oo lagu soo eedeeyay in ay ka danbeeyay qaraxyo dad badan ay ku dhinteen oo ka dhacay magaalada Baydhabo.

Fagaaraha ay toogashada ka dhacday ayaa waxaa joogay gudoomiyaha maxakamada sare ee ciidamada qalabka sida ee Soomaaliya Jeneraal Liibaan Cali Yaroow, gudoomiyaha maxkamada derjada koowaad ee ciidamada qalabka sida Xasan Cali Nuur Shuute iyo mas’uuliyiin ka tirsan maamulka Koonfur Galbeed Soomaaliya.

Dilka maanta lagu fuliyay afarta dhalinyarada ah ayaa imanaya xili maalintii shalay ay gaareen magaalada Baydhabo  mas’uuliyiinta ugu sareysa maxkamada ciidamada qalabka sida ee Soomaaliya.

Maalin kor ayeey aheyd markii maxkamada ciidamada dil toogasho ah ku fulisay askari ka tirsanaa ciidamada booliiska Soomaaliyeed oo ku eedeysnaa in sanadkii hore ee 2016ka qof rayid ah ku dilay degmada Afgooye.

C/raxmaan Diini, Hiiraan Online
[email protected]













Click here
4/24/2017 4:38 PM EST
Isniin, April, 24 2017 (HOL) -Taliyaha ciidamada Booliska Soomaaliya ayaa magaalada Kismaayo tababar ugu soo xiray ducaddii 3-aad ee ciidamada Booliska Soomaaliyeed qeybtooda Jubaland, kuwaa oo bilooyinkii u danbeeyay ay tababarro dhanka ciidanka ah uga socdeen dugsiga tababarka Booliska ee Kismaayo.

4/24/2017 4:15 PM EST
Isniin, April, 24, 2017 (HOL) -Guddoomiyaha Maamulka Gobalka Banaadir Taabit Cabdi Maxamed, ayaa maanta magacaabay Guddoomiye ku-xigeennada maamulka gobolka Banaadir iyo Xoghayaha Guud ee Maamulka

4/24/2017 2:57 PM EST
Isniin, April, 24, 2017 (HOL) – Madaxweynaha dowladda Soomaaliya Maxamed Cabdullaahi Farmaajo ayaa maanta xarunta madaxtooyada ku qaabilay ehelada marxuum Tahliil Jimcaale Hubbane oo maalintii shalay ku jiiray ilinka hore ee madaxtooyada Soomaaliya mid ka mid ah gadiid galbinayay madaxweynaha.

4/24/2017 1:42 PM EST
Isniin, April, 24 2017 (HOL) - Laanta Af-Soomaaliga ee BBC-da ayaa maanta oo Isniin ah bilaabi doonto banaamij cusub oo maqal iyo muqaal ah (telefishin) oo maalinle ah. Barnaamijkaas oo socon doona muddo 15 daqiiqo ah, ayaa waxaa la baahin doonaa Isniinta illaa iyo Jimcaha.

4/24/2017 1:11 PM EST
Isniin, April, 24, 2017 (HOL) - Wararka naga soo gaaraya deegaanka Halgan ee gobolka Hiiraan ayaa sheegaya in halkaa ay isaga baxeen xoogagga Al-shabaab kaddib markii ay u ruqaasadeen ciidamo Itoobiyaan ah oo wehlinayaan kuwa dowladda Soomaaliya maanta oo Isniin ah.

4/24/2017 6:06 AM EST
Isniin, April, 24 2017 (HOL)- Guddi hoosaadka shuruucda, garsoorka iyo arrimaha xuquuqal isnaanka golaha guurtida ayaa soo bandhigay goboladda dalka dilalkii iyo kufsigii ka dhacay.

4/24/2017 5:56 AM EST
Isniin, April, 24, 2017 (HOL) - Waxaa goor dhaw lagu dhawaaqay guddoomiye ku-xigeennada maamulka gobolka Banaadir uu yeelanayo iyo xog-hayaha cusub ee gobolka, iyadoo la bedelay afar ku-xigeen oo uu lahaa Gobolka iyo Xoghayihii Guud.

4/24/2017 5:34 AM EST
Isniin, April, 24, 2017 (HOL)-- Waqti abaaro baahsan oo saameeyay dadka duunyada ay ku dhufteen dhammaan gobollada dalka Soomaaliya ayuu gurmad baaxad leh gaarayaa dadka abaartu dhibaataysay.

4/24/2017 4:14 AM EST
Isniin, April, 24, 2017 (HOL) – Dowladda Mareykanka ayaa sheegay in kooxaha burcad badeedka ay ku soo laabteen biyaha ka baxsan xeebaha Soomaaliya, hasse ahaatee Mareykanku waxaa uu sheegay in korarka burcad badeeda ee maraakiibta ganacsi wali noqon kuwo leh jiho loo raaco.

4/24/2017 3:26 AM EST
Isniin, April, 24, 2017 (HOL) -Kooxda Barcelona ayaa xalay daqiiqadihii dhimashada gool uu u dhaliyay laacibkooda Messi, uga adkaatay kooxda ay xifaaltamaan ee Real Madrid.

4/24/2017 2:06 AM EST
Isniin, April, 24, 2017 (HOL) -Maxkamadda Ciidamada Qalabka Sida qeybta 60-aad ayaa saaka magaalladda Baydhabo ku toogatay Afar qof oo Maxkamadda sheegtay in ay ka tirsanaayeen Al Shabaab.

4/24/2017 1:20 AM EST
Isniin, April, 24, 2017 (HOL) -Ciidanka AMISOM iyo kuwa dowladda Soomaaliya ayaa iska caabiyay weerar ay xalay kusoo qaadeen dagaalyahano ka tirsan Al Shabaab.

4/24/2017 1:05 AM EST
Isniin, April, 24, 2017 (HOL) -Wasiirka Warfaafinta ee Soomaaliya, Mudane Cabdiraxmaan Cumar Cismaan (Eng. Yarisow) ayaa kulan dheer la qaatay Safiirka UK ee Soomaaliya David Concar oo ay ka wada hadleen arrimo ay ka mid yihiin horumarinta warbaahinta dalka, Shirka London ee 11ka May iyo arrimo kale.

4/24/2017 12:56 AM EST
Isniin, April, 24, 2017 (HOL) -Natiijada Doorashaddii dalka France-ka ee la sugayay ayaa lagu dhawaaqay, taas oo filan-waa noqotay, sida siyaasiyiinta ay sheegayaan.