Kulan looga hadlaayay Abaaraha oo ay agaasintay Sanetor Amy Minnesota
Jimco, April, 21, 2017 (HOL) -Kulan looga hadlaayay gurmadka abaaraha oo ay
soo agaasintay Sanetor Amy Klobacher ayaa maanta lagu qabtay Xarunta American
Refugee Comattee A.R.C ee magaalada Minneapolis. Waxaana Senoteradda kulankaan
ku weheliyay Tom Emmer oo ah wakiilka gobolka MN ee Aqalka Congareska
Maraykanka iyo xubno ka tirsan jaaliyadda Soomaalida ee gobolkan.
Waxaa ugu Horreen saxaafadda hadal kooban
siisay Sanatorada iyadoo sheegtay inay ka walaacsantahay dhimista miisaaniyada
dhaqaalaha hay'adda USAID ee barnaamijka gargaarka ee arrimaha dibadda, waxayna
tiri, "waa wax laga walwalo in lacag dhan 17 bilyan laga jaro hay'adaha
kaalmada sida tan arimaha dibadda USAID
oo lagu kordhiyo ciidamada. Iyada oo ay fiican tahay in la taageero ciidamada,
hadana in aan la sameysanaa xiriir wanaagsan dawladaha dibadda goorta ay noo
baahan yihiin waa arrin muhiim ah, ayay tiri Sanetor Amy Klobuchor".
Kulanka kadib ayaan waxaanu waydiinay Siyad
Ali oo ka hawlgala xafiiska sanatoradda waxa kulankaan uu ku saabsanaa waxuuna
yiri, "Muujinta dareenkeenna iyo in aan ka xunnahay dhimista lacagtaas
caawinaadda dibadda iyo sidii loogu gurman lahaa abaaraha ayaa ugu muhiimsannaa
kulankeenna, ayuu yiri Siyad".
kulankan hay'adaha ka soo qayb galay waxaa ka
mid ahaa hay'adda ARAHA, Midnimo iyo Read Horn of Africa. Shirkaan oo muhiim
ahaa, ayaa waxaa lagu soo qaaday qodobo badan oo ay kamid yihiin sidii xal
loogu heli lahaa gaarsiinta gargaarka goobaha abaarahu ay ka jiraan, iyo walaac
dawladda maraykanka ay ka muujisay in gargaarku uu gacanta u galo kooxaha
xagjirka ah sida Alshabaab.
Dhinaca kalana labada masuulba waa Amy iyo
Tomee waxa ay ugu hambalyeeyeen jaaliyadda soomaaliyeed ee gobolka Minnesota dadaalkooda
dheeriga ah iyo dareenkooda qotada dheer.
Siyad Said Salah
Hiiraan Online
Minneapolis,Mn
[email protected]
