Cabdiwahab Cali oo ah Booliis Soomaali ah oo la Dallacsiiyey Minnesota
Jimco, April, 21 2017 (HOL)- Cabdiwahab Cali oo ahaa Askarigii 2-aad ee Soomaaliyeed
oo ka mid noqda ciidamadda Booliiska Minneapolis ayaa shalay u dalacay darajada
Saajin ama sarkaal sare , Abdiwahab Cali ayaa 2004 ilaa 2008 waxa wuu ahaa
Booliiska Xaafadaha Loona yaqaan Community Police, 2008kii ayuu ka mid
noqday booliiska Minneapolis .
Cabdiwahab Ali iyo
tiro kale oo askar ahayd ayaa shalay waxaa dalacsiintooda ka soo qaybgalay Duqa
Magaaladda Minneapolis Betsy Haodges iyo Taliyaha Booliiska MPLS Janee Harteau’s.
Intaa kadib ayaa loo yeeray Magacyadda askartii shalay la
dalac siiyey waxaana ka mid ahaa Saajin Cabdiwahab
Ali .
Intaa kadib waxaa noo suura gashay inaan waydiino
Sarkaalka waxa ay tahay kulankaan maanta laysku yimi shaqadii uu hore u
qaban jiray iyo waxa hada kadib ay shaqdiisu noqon doonto isagoo ka jawaabaya
waxuu yiri kulanka maanta waxuu ahaa dalacsiin askar badan , waxaana hada kadib
noqon doonaa danbibaare,ama waxaan ahaan doonaa middusha kalasocda booliiska
kale ee shaqada ku jira.
Ilaa sanadkii 2008 waxaa ka mid noqday Ciidammada
Booliiska ee gobolkaan tiro booliisa oo soomaaliya oo gaaraysa 20 askari, waxaana jira tiro kale oo wali ku jira tababarkii askarnimo
Waxaan xasuustaa 15 sano ka hor inaysan jirin wax booliis
ah oo Soomaali ah, Anaga iyo booliiskuna xiriirkeenu ma fiicneen ,gaar ahaan
xaafadahii aan u badneen sida Cedar Riverside oo kale waxaan ka codsanay
taliyihii waagaa joogay inuu qoro booliis Soomaaliyeed waa naga aqbalay
anaga iyo MPD xiriirkeenu aad buu u
fiicnaaday intaa kadib ,waxaa hadalkaa yiri Cabdirisaaq Biixi oo mudo badan
daganaa Magaaladda Minneapolis.
Mohamud Dulyadeyn
Hiiraan Online
Minneapolis, MN.
[email protected]
