3/28/2024
Today from Hiiraan Online:  _
Wararka Maanta- Arbaco, Jan 23, 2013
Somaliland oo shaacisay in dalka Jabuuti uu Faraha kula jirto Arrimaha Saylac iyo Wafdi loo diiday inay galaan Dalka Jabuuti

Arbaco, Jannaayo 23, 2013 (HOL) — Wararka laga helayo degmada Saylac ayaa sheegaya in wafdiga wasiirrada ka kooban ee ka socda Somailland ay shaaca ka qaadeen in arrinta ka aloosan degmada Saylac ay faraha kula jirto dowladda Jabuuti.

Waftigani ayaa shalay la kulmay beesha Ciise iyagoo ku dadaallaya in la siiyo jagada guddoomiyaha degmada taasoo ay ku waayeen doorashadii dimuqraadiga ahayd ee ka dhacday deegaankaas, iyadoo beesha Ciise ay la timid shirka qorshe cusub oo wasiirrada laftigooda ka yaabiyay, beesha ayaa sheegtay in xildhibaannada Saylac tiradooda lagu daro afar xubnood oo kasoo jeeda beesha Ciise oo aan la dooran balse iyagu kasoo xulayaan beesha Mamaasan ee uu kasoo jeedo madaxweynaha Jabuuti Ismaaciil Cumar Geelle, taasoo Somaliland kaga codsanayaan in lagu sharfo Jabuuti caro-tiridna looga dhigo.

Wasiirada ayaa arrintaas la yaabay go’aanka beesha Ciise, wasiirrada oo cagaha jiidaya ayaa haddana la kulmay xildhibaannada beesha aqlabiyada ku leh deegaanka Saylac ee Gadabuursi, waxayna la shirka la yimaadeen arrintii loosoo dhiibay iyagoo carabka calalinaya ayay soo bandhigeen, balse waa lagu gacan-sayray.

Intaa kaddib ayay wasiirrada iyo wafdigii waxay isku dayeen inay u baxaan dhinaca dalka Jabuuti, laakiinse markii ay xuduudda galeen ayaa waxaa joojiyay ciidamada ilaalada xadka Jabuuti waxay qaadatay in saacado badan doodi dhexmarto ugu dambeynna loo diiday inay galaan Jabuuti. Ciidamada Jabuuti ayaa u sheegay wasiirrada inaysan amar ka haysan dawlada Jabuuti isla markaana ay u sheegeen inay la xiriirayaan wasaarada arimaha gudaha Jabuuti, jawaabtuna waxay noqotay in wasiiradii Somaliland laga soo celiyo Jabuuti.

Wasiirrada ayaa kusoo laabtay degmada Saylac, iyagoo ka hadlayay sababtii keentay in dib looga soo celiyo Jabuuti, iyadoo aan la ogeyn go’aanka ay rasmi ahaan u qaadan doonaan wasiirrada iyo xukuumadooda Somailland.

Xaaladda degmada Saylac ayaa kacsan iyadoo laga baqdin qabo in degmadaas ay ka dhacaan dibadbaxyo salka ku haya soo celintii wasiirrada Somaliland laga soo celiyay xuduudda dalka Jabuuti.

Khadro Xasan Maax, Hiiraan Online
[email protected]
Boorame, Somaliland













Click here
1/23/2013 2:28 PM EST
Arbaco, January 23, 2013(HOL): Ciyaar aad u xiiso badneyd oo ay Xulalka Kubbadda Kolayga Soomaaliya iyo Burundi isaga horyimaadeen ayaa gunaanadkeedii waxay natiijadu noqotay 98—80 dhibcood, taasi oo uu ku badiyay xulka qaranka Kubadda Kolayga Soomaaliya.

1/23/2013 1:16 PM EST
Arbaco, Jannaayo 23, 2013 (HOL) —Dowladda Soomaaliya iyo hay’adaha deeqaha bixiya ayaa ku heshiiyay in la sameeyo hay’ad la socota deeqaha la siiyo dowladda Soomaaliya, kaddib markii uu kulan madaxweynaha Somalia, Xasan Sheekh Maxamuud iyo safiirro ka socda dalalka deeq-bixiyeyaasha ah ku dhexmaray garoonka diyaaradaha ee Muqdisho.

1/23/2013 1:15 PM EST
Arbaco, Jannaayo 23, 2013 (HOL) — Wafdigii wasiirrada ahaa ee Somaliland oo ku sugnaa degmada Saylac ee gobolka Selel ayaa maanta u ambabaxay dalka Jabuuti oo lagu tuhunsan yahay inay ka dhaqaaqi la’ayd arrinta Saylac ee laba wajiilaha noqotay waxayna socdaal dhulka ah kaga gudbeen wafdiga magaalada Lawya-caddo ee ku tuulla xuduudka kala qaybiya maamulka Somaliland iyo Jabuuti.

1/23/2013 1:12 PM EST
Arbaco, Jannaayo 23, 2013 (HOL) — Maamulka Khaatumo ayaa ka hadlay dagaallo khasaare nafeed geystay oo shalay ka dhacay deegaanka Xuddun oo dhinaca waqooyi 83-km kaga beegan magaalada Laascaanood ee gobolka Sool, waxayna labada dhinac dagaalkaas ka sheegteen guulo.

1/23/2013 11:49 AM EST
Arbaco, Jannaayo 23, 2013 (HOL) — Danjiraha Kenya ay u soo magacowday Soomaaliya, Josphat Maikara ayaa maanta soo gaaray magaalada Muqdisho ee xarunta Soomaaliya, isagoo warqadihiisa danjirenimo ku wareejiyay madaxweynaha Soomaaliya.

1/23/2013 6:56 AM EST
Arbaco, Jannaayo 23, 2013 (HOL) — Xildhibaanno ka mid ah guddi hoosaadka ilaalinta hantidda Qaranka ee golaha Wakiiladda Somaliland ayaa guddigaas iska casiley, isla markaana shir-gudoonka ku eedeeyey inay soo farog-eliyeen howlihii ay Qaranka u hayeen.

1/23/2013 6:47 AM EST
Arbaco, Jannaayo 23, 2013 (HOL) — Wafdi uu horkacayay madaxweynaha Puntland oo maalmihii lasoo dhaafay booqasho ku joogey dalka Jabuuti ayaa maanta dalka dib ugu soo laabtay, waxayna kasoo degeen garoonka diyaaradaha ee magaalada Boosaaso.

1/23/2013 6:46 AM EST
Arbaco, Jannaayo 23, 2013 (HOL) — Xubno ka tirsan urur-siyaasadeedka Horseed ayaa gelinkii danbe ee shalay xarunta gobolka Bari ee Boosaaso kulan kula qaatay, in ka badan boqol dhalinyaro ah oo ka kala socdey ururada bulshada iyo ardayda jaamacadaha.

1/23/2013 3:36 AM EST
Arbaco, Jannaayo 23, 2013 (HOL) — Ciidanka Milatariga Somaliland iyo ciidamadda khaatumo ayaa shalay galab dagaal muddo kooban socday iskaga hor yimid duleedka degmadda Xudun ee gobolka Sool.

1/23/2013 3:26 AM EST
Arbaco, Jannaayo 23, 2013 (HOL) — Wasiirka wasaaradda Khayraadka dalka ee xukuumadda Soomaaliya, C/risaaq Cumar Maxamed ayaa uga qaybgalay dalka Turkiga shir looga hadlayay deegaanka, isagoo halkaas ka jeediyay khudbad dhinacyo badan taabanaysa.

1/23/2013 12:22 AM EST
Arbaco, Jannaayo 23, 2013 (HOL) — Madaxweynaha Soomaaliya iyo wafdi uu hoggaaminayo ayaa saakay aroortii hore kusoo laabtay Muqdisho, kaddib booqasho qaaday in ka badan hal toddobaad oo uu ku tagay Mareykanka iyo Sucuudi Carabiya oo uu kaga qaybgalay shir looga hadlayay horumarinta iyo kobcinta dhaqaalaha dalalka Carabta.

1/22/2013 11:31 PM EST
Arbaco, Jannaayo 23, 2013 (HOL) — Dagaal xooggan ayaa ciidamada maamullada Somaliland iyo Khaatumo ku dhexmaray shalay gellinkii dambe Bariga deegaanka Xudun oo 83-km dhinaca waqooyi ka xiga magaalada Laas-caanood ee xarunta gobolka Sool.