3/29/2024
Today from Hiiraan Online:  _
Wararka Maanta- Isniin, Jan 21, 2013
In ka badan 100 arday oo Imtixaan u fariisatay Jaamacada Plasma Faraceeda Magaalada Baladweyne ee Gobolka Hiiraan


Isniin, Jannaayo, 21, 2013 (HOL) -- Jaamacada Plasma oo ka mid ah Jaamacadaha ugu waaweyn ee ka dhisan dalka Soomaaliya ayaa faraceeda magaalada Baladweyne waxaa maanta Imtixaan u fariisatay in ka badan 100 arday ah.

Maamulaha Jaamacada Plasma ee magaalada Baladweyne Abuukar C/dulle Muumin ayaa HOL u sheegay in ardayda maanta Imtixaanka u fariisatay isugu jiraan kuwa dhigta caafimaadka [Nursing] iyo ardayda barata maamulka gancsiga [Business Administration.]

‘’Ardayda hadda Imtixaanka u fadhisa waxaa ay isugu jiraan kuwo uu u soo xirmayo simistarkii shanaad oo labo sano iyo bar waxbarashada soo waday, iyo qaar kale oo dhameysanaya simistarkii sadaxaad oo waxbarashada soo waday hal sano iyo bar,’’ ayuu yiri Abuukar C/dulle.

Ardayda ayaa la arkayaa ka hor inta aysan Imtixaanka u fariisan iyaga oo lagu sameynayo baritaan la xiriira in laga ilaaliyo ardayga wax kasta oo u sahli kara in uu si fudud uga gudbo Imtixaanka, waxaana jira macalimiin si gaar ah isha ugu haya dhaq dhaqaaqa ardayga inta uu Imtixaanka u fadhiyo.

‘’Ardayga baaritaan ayaan ku sameynaa, sidoo kale lama ogola in uu gudaha fasalka la galo xitaa telfoonkiisa gacanta, waa in uu ardayga isku kalsoonadaa,’’ sidaa waxaa yiri Suleymaan Khaasim Yacquub oo ka mid ah macalimiinta wax ka dhigta Jaamacada.

Imxitaanka ay u fadhiyaan ardayda Jaamacada Plasma faraceeda magaalada Baladweyne ayaa socon doona mudo hal todobaad ah iyadoo wixii xiligaan ka danbeeyana ay ardaydu gali doonaan bil fasax ah, waxaana ay Jaamacadu dib u furmi doontaa horaanta bisha Marso ee nagu soo foolka leh.

Magaalada Baladweyne ee xarunta gobollka Hiiraan waxaa ilaa iyo hadda ka dhisan ilaa sadax Jaamacadood oo ay ka mid tahay Plasma University oo shaqeysa todobaadka oo idil, gaar ahaan maalmaha Khamiista iyo Jimcaha waxaa ka faa’ideysta Jaamacada dadka aan farusada heli karin maalmaha kale.

Qaar ka mid ah ardayda oo HOL wax ka weydiisay sida ay u arkaan Imtixaanka ay u fadhiyaan, waxaa ay sheegeen in ay siweyn ugu faraxsan yihiin mar haddii iyaga oo jooga magaalada Baladweyne ay heli karaan waxbarasho heer Jaamacadeed ah.

\

C/raxmaan Diini, Hiiraan Onlin
[email protected] 
Baladweyne, Soomaaliya













Click here
1/21/2013 11:51 AM EST
Isniin, Jannaayo 21, 2013 (HOL) — Madaxweynaha maamul-goboleedka Khaatumo, Maxamed Jaamac Yuusuf (Indha-sheel) ayaa shir jaraa`id oo uu maanta ku qabtay magaalada Buuhoodle wuxuu ku taageeray aqoonsiga buuxa ee dowladda Mareykanku ay siisay dowladda federaalka Soomaaliya.

1/21/2013 11:35 AM EST
Isniin, Jannaayo 21, 2013 (HOL) —Golaha wasiiradda dowladda Soomaaliya ayaa maanta shir ay isugu yimaadeen waxay uga hadleen dhowr qodob oo ay ka mid yihiin: maamul u sameynta gobollada, xaslinta dalka iyo sidii loo soo celin lahaa dhulka iyo hantida dowladda ee gacanta ugu jira shacabka.

1/21/2013 11:33 AM EST
Isniin, Jannaayo 21, 2013 (HOL) —Xukuumadda Somaliland ayaa maalintii shalay ahayd ku xoojisay wafdi uu hoggaaminayo wasiirka arrimaha gudaha, Maxamed Carraale Duur ku xoojisay laba wasiir iyo guddoomiyaha xisbiga talada haya ee Kulmiye, iyadoo xukuumaddu ay wafdigan u dhiibtay fariin ka duwan fariintii ay beesha Ciise ka diidday wasiirka arrimaha gudaha.

1/21/2013 11:10 AM EST
Isniin, Jannaayo 21, 2013 (HOL) — Madaxweyne ku xigeenka Somaliland, Cabdiraxmaan Cabdilaahi Ismaaciil (Saylici), ayaa ka qaybgalay wejigii labaad ee mashruuc lagu horumarinayo dawladaha hoose ee degmooyinka Somaliland, kuwaas oo socday shantii sanno ee hore.

1/21/2013 8:50 AM EST
Isniin, Jannaayo, 21, 2013 (HOL) -- Wafdi ka tirsan hay’addaha samafalka QM ayaa maanta booqasho ku tagay magaalada Baladweyne, kuwaasoo kala hadllay mas’uuliyiinta maamulka gobollka xaaladaha amniga magaalada.

1/21/2013 7:33 AM EST
Isniin, Jannaayo 21, 2013 (HOL) — Golaha Wakiiladda ayaa loo qaybiyey xeerka takaalifta madaaradda oo si weyn uga qayliyeen xildhibaanadda golaha Wakiiladda.

1/21/2013 7:24 AM EST
Isniin, Jannaayo 21, 2013 (HOL) — Ra’iisal wasaaraha Soomaaliya, Cabdi Faarax Shirdoon (Saacid) ayaa maanta boqolaal ruux kala qaybgalay banaanbax ballaaran oo ay ku taageerayeen go’aankii dowladda Mareykanka ay ku aqoonsatay dowladnimada Soomaaliya muddo laga joogo 22-sano.

1/21/2013 3:16 AM EST
Isniin, Jannaayo 21, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo dhawaanahan safar ku joogay dalka Mareykanka ayaa xalay gaaray magaalada Riyaadh ee dalka Saudi Arabia, halkaasoo madaxweynuhu uu uga qaybgeli doono shir looga hadlayo dhaqaalaha dalalka Carabta.

1/21/2013 2:42 AM EST
Isniin, Jannaayo 21, 2013 (HOL) — Madaxweynaha Puntland, Cabdiraxmaan Maxamed (Faroole) iyo wefdi uu horkacayo oo maalntii 5aad booqasho ku jooga dalka Jabuuti ayaa la kulmay madaxweynaha dalkaas Ismaaciil Cumar Geelle iyo mas’uuliyiin kale oo ka tirsan madaxda Jabuuti.

1/21/2013 2:42 AM EST
Isniin, Jannaayo 21, 2013 (HOL) — Qaar ka mid ah haweenka kasoo jeeda gobollada Awdal, Selel iyo Gabiley ee ku noool magaalada Ottowa ee dalka Kanada ayaa deeq lacageed oo gaaraysa $2,260 doollar soo gaarsiiyay dadkii ku waxyeeloobay bannanbaxyadii ka kala dhacay degmooyinka Saylac, Boorama Iyo Lughaya.

1/20/2013 11:56 PM EST
Isniin, Jannaayo 21, 2013 (HOL) — Maamulka Puntland ayaa si weyn u soo dhaweeyay aqoonsigii ay dowladda Mareykanku siisay dowladda Soomaaliya, iyagoo ku tilmaamay aqoonsigan mid horay u sii riixi kara xiriirka ka dhexeeya Soomaaliya iyo Mareykanka.

1/20/2013 11:55 PM EST
Isniin, Jannaayo 21, 2013 (HOL) — Wasiirka arrimaha gudaha Somaliland, Maxamed Nuur Carraale (Duur) ayaa ictiraafay uu Mareykanku siiyay dowladda Soomaaliya ku tilmaamay dharbaaxo indhaha looga riday Somaliland, waxaanu Mareykanka ugu baaqay inuu qiimeeyo Somaliland iyo maamul-goboleedyada kale oo nabad kusoo dabbaalay deegaannadooda intii ay Koonfurta Soomaaliya qasnayd.