3/29/2024
Today from Hiiraan Online:  _
Wararka Maanta- Isniin, May 7 , 2012
Dood-ilmiyeed looga hadlayay Xiriirka ka dhaxeeya Hooyada iyo Gabadha ay dhashay oo Muqdisho lagu qabtay (SAWIRRO)


Isniin, May 07, 2012 (HOL) — Dood-cilmiyeed looga hadlayay xiriirka ka dhaxeeya hooyada iyo gabadheeda ayaa lagu qabtay Muqdisho, kaasoo ay ka qeyb-galeen in ka badan 150-haween, saraakiil ciidan iyo arday dhigta iskuulladai yo jaamacadaha Muqdisho.

Dooddan oo ahayd wajigii labaad ee isla arrintan ku saabsan ayaa waxaa soo qaban-qaabisay hay'adda wadahadalka bulshada (CCD), waxaana hadallo qiimo leh ka jeediyay haween ka socday ururrada bulshada rayidka ah.

Wasiir-u-dowlaha wasaaradda horumarinta haweenka iyo arrimaha qoyska, Luul Cabdi Aadan oo hadal ku furtay doodda ayaa sheegay in haweenku ay muhiimad gaar ah leeyihiin, iyadoo xustay in haweenka looga baahan yahay inay xilligan ka baxaan kala qaybsanaanta.

"Haweenka waxaa jira kuwo kala jaban, waxay qaarkood aaminsan yihiin afkaaro qaldan oo salka ku haysa Soomaali-diidnimo, taasna waxay sababi kartaa inuu aad u yaraado xiriirka u dhexeeya hooyada iyo gabadheeda," ayay tiri Luul Cabdi. Sidoo kale waxay hadalkeeda ku dartay in bulshadu ay baahi weyn u qabto in haweenku noqdaan kuwo mideysan oo wax ka bedeli kara xaaladda uu dalku ku jiro.

Agaasimaha wasaarada haweenka, Maxamed Cumar Nuur oo isna goobta ka hadlay ayaa sheegay in haweenka looga baahan yahay inay u midoobaan ka qaybgalka xasilinta dalka.

"Haweenka waa laf-dhabarta bulshada, waa inay fikirkooda mideeyaan, waa inay ka hortagaan dhibaatada, waa dareemi karnaa culeyska haweenka xilligan ka saaran ragga, waayo haweenka dhib ayaa loo geystaan, tacadiyo ayayna la kulmaan," ayuu yiri agaasimaha wasaarada haweenka iyo arrimaha qoyska.



Sidoo kale, agaasimuhu wuxuu sheegay in bisha Juun ee soo socota la furi doono goob ay kusoo dacwoodaan haweenka dhibaatada loo geysto, isagoo xusay inay iska kaashanayaan ciidamada booliska DKMG ah iyo booliiska AMISOM.

Xamdi Xasan Ibraahim oo ah xubin ka tirsan guddiga dib-u-heshiisiinta Qaranka oo ka hadashay doodda ayaa iyaduna sheegtay in hooyooyinku ay ka gaabiyeen inay ka warqabka qoysaskooda, iyadoo intaas ku dartay inay ku adkeynayso inay ka war-hayaan caruurtooda, gaar ahaan gabdhaha.

"Haddii qoyska aan bar-baarintooda la dhisin wax badan ayaa hallaabi kara, waxaan dhici karaa hooyooyinku way ka gaabiyeen ka war-qabka ubadkooda," ayay Xamdi tiri.

Sidoo kale, Najmo Cali Cadde oo ka mid ah gabdhaha wax-bartay iyo Sahro Max'ud Amiin oo ah guddoomiyaha haweenka hay'adda CCD ayaa sheegay in gabdhaha wax la baro, isla markaana la wacyi-geliyo si qoysku u dhismo.

Sucdi Maxamed Cali oo ka mid ah mas'uuliyiinta wasaarada haweenka ayaa iyadana sheegtay in dhinaca hooyooyinka ay ka jirto dabacsanaan ku aabsan habka wacyi-gelinta laga soo bilaabo guriga, xiriirka ka dhaxeeya waalidka iyo caruurtana la dar-dar geliyo si iska warqabku u noqdo mid sii shaqeeya.

Ugu dambeyn, waxaa dood-cilmiyeedka ka hadlay ka qaybgalayaan kale oo fara badan kuwaasoo si aad ah ugu adkeeyay hooyooyinka iyo gabadhahooda inay iska war-qabaan si qoysku uu u noqdo mid wacyi ahaan iyo akhlaaq ahaan dhisan.








Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/7/2012 5:08 PM EST
Isniin, May 07, 2012 (HOL): Xaflad si seer sare ah loo soo agaasimay oo markii ugu horreysay mideysay Soomaalida ku nool gobollada laysku yiraahdo New England ee dalka Maraykanka ayaa ka dhacday magaalada Boston ee Gobolka Massachusetts.

5/7/2012 4:24 PM EST
Isniin, May 07, 2012— Dowladda Japan ayaa maanta ku wareejisay Dowlada KMG deeq ay ugu tala gashay Ciidanka Booliska Soomaalyeed. Deeqdaan ayaa ka koobanayd 16 Land Cruiser, 2 Ambulance 2 gaari oo kuwa ciidanka lagu qaado ah iyo jaakadaha laga xirto xabadda ( Bullet proof Jackets ) iyo koofiyadaha aan xabaddu karin.

5/7/2012 4:05 PM EST
Isniin, May 07, 2012 (HOL)- Munaasibad balaadhan ayaa loo sameeyey dhisme cusub oo saddex dabaq ka kooban oo loo dhisay guddida doorashooyinka Somaliland, waxaana xadhiga ka jaray Madaxweyne ku-xigeeenka Somaliland Md. CabdiRaxmaan Cabdilaahi Ismaaciil (Saylici).

5/7/2012 9:28 AM EST
Isniin, May 07, 2012 (HOL) — Kulan ay ka soo qeyb-galeen mas’uuliyiinta maamulka gobollka Hiiraan ayaa waxaa maanta ku yeeshay magaalada Beledweyne gollaha deegaannka, kuwaasoo markii ugu horeysay doortay Duqa magaalada Beledweyne.

5/7/2012 9:05 AM EST
Isniin, May 07, 2012 (HOL) — Madaxweynihii hore ee dalka Ruushka Vladimir Putin ayaa markii saddexaad loo dhaariyay xilka madaxnimo ee dalkaas, kaddib markii uu ku guuleystay doorashooyinkii madaxweynenimo ee Ruushka.

5/7/2012 8:36 AM EST
Isniin, May 07, 2012 (HOL) — Kulankan ayaa waxaa looga hadlay sidii odayaasha dhaqanka ay qayb uga qaadan lahaayeen ansixinta dastuurka cusub ee dalka oo ay dowladdu doonayso in la meel mariyo si looga gudbo xilliga KMG ah ee lagu jiro.

5/7/2012 8:17 AM EST
Isniin, May 07, 2012 (HOL) — Arday tiradoodu ahayd 29-ruux oo ka bogsaday xanuunka dhimirka ayaa waxbarasho ka dhamaystay xarunta lagu xanaaneeyo xanuunka maskaxda ee SAHAN, kuwaas oo ka qalinjabiyey waxbarashadda farsamooyinka Dawaarka iyo Laydhka,waxaana shahadooyinkii waxbarashadda lagu gudoonsiiyey xaruntoodda SAHAN oo ku taalla duleedka galbeed ee magaaladda Hargeysa.

5/7/2012 8:13 AM EST
Isniin, May 07, 2012 (HOL) — Dajiraha Soomaaliya ee dalka Zambia Shirwac C/llaahi Ibraahim oo la hadlay wargeys lagu magacaabo The Post Zambia ayaa iska diiday eedeymo kaga yimid wasaaradda arrimaha dibadda dalkaas, taasoo ku saabsanayd inuu mas'uul ka ahaa rabshad ka dhacday safaaradda Soomaaliya ee dalka Zambia taasoo keentay in la xiro safaaradda.

5/7/2012 7:18 AM EST
Isniin, May 07, 2012 (HOL) — Shir ay soo abaabuleen ururka Hiilqaran oo ah urur waddani ah oo ka mid ah xisbiyadda isbedeldoonka ah ee u tartamaya qabashada hogaanka dalka Soomaaliya, oo ay horkacyaaan shaqsiyaad qurba-joog ah ayaa maanta lagu qabtay Magaalada Apeldoorn ee dalka Holland, waxaana kulankan oo ay ka soo qeybgaleen bulshadda Soomaalida ee ku dhaqan magaaladaas, & gobolo kale ayaa waxaa khudbado kala duwan ka jeediyey Guddoomiyaha Guud ee Xisbiga Qaran Ibraahim Macalin Mursal, Prof Axmed Ismaaciil Samatar oo ka mid ah xubnaha ugu firfircoon ee xabsiga, Guddoomiyaha KMG ah ee faraca Holland Cali Cabdi Waare, Avv. Muuse Xersi & xubno kale oo fara badan.

5/7/2012 6:33 AM EST
Isniin, May 07, 2012 (HOL) — Waxaa Isbitalka magaalada Kismaayo ee xarunta gobolka Jubada Hoose la gaarsiiyay dad gaaraya ilaa 20 qof kuwaa oo la ildarnaa xanuuno kala duwan, waxaana dadkani kamid ah dad ay aad u liidato xaaladooda caafimaad.

5/7/2012 6:30 AM EST
Isniin, May 07, 2012 (HOL) — Maamulka Dowladda KMG Soomaaliya ee gobolka Gedo ayaa maanta fuliyay xukun dil ah, kaasoo lagu fuliyay askari ka tirsan ciidamada dowladda oo ku eedeysnaa in uu dil u geystay askari kale.

5/7/2012 3:09 AM EST
Isniin, May 07, 2012 (HOL) — Dadka ku dhaqan magaalada Beledweyne ayaa xalay saqdii dhexe mar kaliya ku soo toosay dhawaaqa hubka noocyadiisa kala duwan oo ay is weydaarsanayaan ciidamada maamulka gobollka Hiiraan iyo xoogagga Xarrakada Al-shabaab kadib dagaal culus oo labada dhinac ku dhaxmaray xaafadda howl-wadaag ee magaalada Beledweyne.