3/29/2024
Today from Hiiraan Online:  _
Wararka Maanta- Talaado, May 15, 2012
Ergadii Puntland uga Qayb-galaysay Shirka Odayaasha-dhaqanka Muqdisho oo dib ugu laabtay Magaalada Garoowe

Talaado, May 15, 2012 (HOL) — Ergooyinkii Puntland uga qaybgalaysay shirka odayaasha dhaqanka ee Muqdisho ayaa maanta ka dhoofay Muqdisho, iyagoo dib ugu laabtay Garoowe, waxaana afhayeenka odyaashan uu sheegay in sababta ay Puntland ugu laabteen ay tahay sidii ay wadatashi uga sameyn lahaayeen maamulkooda.

Afhayeenka odayaaha Puntland, Garaad C/llaahi Cali Ciid oo saxaafadda kula hadlay Garoowe ayaa sheegay in shirka hannaanka shirku ku socdo aanu ahayn mid diyaar ah, sidaa daraadeedna ay dib u laabteen si ay ula tashadaan maamulkooda iyo shacabkood.

"Markaan aragnay in shirka uusan ahayn mid dhameystiran waxaan go’aansanay inaan wadatashi dambe ula laabanno maamulkii iyo shacabkii horay noo dirsaday," ayuu yiri Garaad Ciid oo sheegay in shika uu yahay mid qabyo ah oo aan dhameystirnayn.

Oday-dhaqameedyada Puntland uga qaybgalayay shirka Muqdisho ayaa diyaaraad gaar ahi ka qaaday garoonka diyaaradaha ee Muqdisho, iyadoo xildhibaanno kasoo jeeda Puntland oo saxaafadda la hadlay ay sheegeen in odayaashu ay soo laaban doonaan haddii la hagaajiyo hannaanka shirka.

Ma sheegin odayaashan inay dib ugu soo laabanayan Muqdisho iyo in kale, balse waxay sheegeen inaysan si caro ah uga bixin shirka, iyadoo la xususto inuu yahay muran ku saabsan dastuurka oo u dhexeeya dowladda KMG Soomaaliya iyo Puntland.

Odayaasha-dhaqanka ee Muqdisho ku shiraya ayaa waxaa u socda fasax laba maalmood ah oo iyagoo kaddibna isku soo laaban doona, iyado dowladdu ay ka dalbanayso inay dadajiyaan soo gudbinta ergada shirka.

Maamulka Puntland ayaa waxay horay u sheegeen inaysan ku qanacsanayn dastuurka cusub ee Soomaaliya loo sameeyay, waxayna xuseen in dastuurka uu awoodda inteeda badan siinayo dowladda dhexe.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/15/2012 4:11 PM EST
Talaado, May 15, 2012(HOL): Madaxweynaha Soomaaliya Shiikh Shariif Shiikh Axmed ayaa maanta khudbad ka jeediyay Golaha Ammaanka ee Qaramada Midoobay, iyadoo khudbaddiisana ay dhinacyo badan taabaneysay.

5/15/2012 9:38 AM EST
Talaado, May 15, 2012 (HOL) — Munaasabad si heer sare ah oo loosoo agaasimay isla markaana uu soo qaban-qaabiyay urur dhalinyarro oo lagu magacaabo SYAO ayaa maanta lagu qabtay magaalada Beledweyne ee xarunta gobolka Hiiraan.

5/15/2012 9:17 AM EST
Talaado, May 15, 2012 (HOL) — Ururaddii siyaasaddda ee qiimaynta ku hadhay ayaa maanta ku dhowaaqay inay samaysteen dallad xaqoodda u raadisa, kuwaas oo sheegay in aanay wali ku qancin natiijaddii ay guddidda diiwaangelinta ururadda ku dhowaaqeen, isla markaana sheegay inay dadka usoo bandhigayaan cadaalad darooyinka ku dhacay ururadda hadhay.

5/15/2012 8:27 AM EST
Talaado, May 15, 2012 (HOL) — Sakaal ka tirsan ciidamada booliiska Kenya ayaa ku dhintay laba kalena dhaawacyo culus ayaa kasoo gaaray kaddib qarax miino oo maanta lagula eegtay xeryaha qoxootiga Dhadhaab ee dalka Kenya.

5/15/2012 8:10 AM EST
Talaado, May 15, 2012 (HOL) — Munaasabad lagu xusayay maalinta dhallinyarada Soomaaliyeed ee 15-ka May ayaa maanta lagu qabtay magaalada Muqdisho, taasoo ay ka qaybgaleen wasiirro, xildhibaano, qaybaha bulshada iyo dhallinyaro isugu jiray wiilal iyo gabdho.

5/15/2012 7:42 AM EST
Talaado, May 15, 2012 (HOL) — Dad shacab ah iyo ciidamada amniga Somaliland ayaa maanta dagaal waqti kooban socday wuxuu ku dhexmaray bariga magaalada Hargeysa, kaasoo sababay khasaare dhimasho iyo dhaawac ah oo soo kala gaartay labada dhinac.

5/15/2012 6:36 AM EST
Talaado, May 15, 2012 (HOL) — Warsaxaafadeed maanta kasoo baxay taliska AMISOM ee Muqdisho ku sugan ayaa lagu sheegay in Maj. Emannuel Bizimana oo Al-shabaab ay sheegtay inay dileen habeenkii talaadada ahaa uu ka mid ahaa saraakiil 20-kii Oktoobar 2011 lagu dilay dagaal Al-shabaab iyo AMISOM ku dhexmaray degmada Dayniile.

5/15/2012 6:23 AM EST
Talaado, May 15, 2012 (HOL) — Ciidamada Midowga Yurub ee ku sugan xeebaha dalka Soomaaliya oo isticmaalaya diyaaradaha qummaatiga u kaca ee Helicopter-ka loo yaqaan ayaa maanta weeraray saldhig ay burcadbadeeddu ku lahaayeen meel ku dhow degmada Xarardheere ee gobolka Mudug.

5/15/2012 3:28 AM EST
Talaado, May 15, 2012 (HOL) — Dowladda KMG ah ee Soomaaliya ayaa sheegtay in aysan wax taageero ah oo la taaban karo ka helin beesha caalamka, iyadoo kaddib muddo saddex bilood ah la filayo in looga gudbo marxalada ku-meel-gaarka.

5/15/2012 3:06 AM EST
Talaado, May 15, 2012 (HOL) — Madaafiic ayaa xalay lagu weeraray madaxtooyada Soomaaliya, sidoo kalena waxaa isla xalay ka dhacay jidka warshadaha dagaallo u dhexeeyay ciidamada DKMG ah iyo kuwa Al-shabaab.

5/15/2012 3:02 AM EST
Talaado, May 15, 2012 (HOL) — Maamulka Galmudug oo ka mid ah maamullada ka jira Soomaaliya ayaa xaqiijiyay in deegaanno uu ka taliyo ay gaareen xoogag Al-shabaab taabacsan, iyadoo maamulku uu sheegay inuu billaabay howgallo uu kaga hortagayo.