3/28/2024
Today from Hiiraan Online:  _
Wararka Maanta- Khamiis, May 10, 2012
Taliyaha ciidamada Xoogga oo Tababar ugu soo xiray dalka Uganda Boqolaal ka tirsan Ciidamada Soomaaliya

Khamiis, May 10, 2012 (HOL) — Taliyaha ciidamada DKMG ah ee Soomaaliya ayaa saakay oo Khamiis ah tababar ugu soo xiray dalka Uganda boqlaal ka tirsan askarta dowladda KMG ah ee Soomaaliya oo muddo lix bilood ah tababar ku qaadanayay dalka Uganda.

Jen. C/qaadir Sheekh Cali Diini oo hadal u jeediyay askarta ayaa u sheegay in sababta tababarkan loo siiyay ay tahay sidii ay qayb uga qaadan lahaayeen dagaalka lagula jiro Al-shabaab.

"Waajibaadkiinna intiisa badan waa inaad qayb ka qaadataan sidii Al-shabaab looga saari lahaa deegaannada ay dalka uga sugan tahay," ayuu yiri Jen. Diini oo intaas ku daray in dowladda KMG ay dadaal ugu jirto inay dalka oo dhan ka saarto kooxda Al-shabaab.

Saraakiil ka tirsan ciidamada dalka Uganda ayaa ku sugnaa halka munaasabadda lagu qabtay, iyagoo sheegay inay aad ugu faraxsan yihiin in ciidamada dowladda ay tababarkooda ku dhameystaan muddadii loogu talogalay.

Tababarkan ayaa waxaa dhaqaalihiisa bixiyay Midowga Yurub iyadoo dalka Uganda ay ku deeqday xeryaha tababarka lagu siinayo, mana ahan ciidamadii ugu horeeyay oo tababar kusoo qaata dalka Uganda.

Ciidamadan ayaa waxaa lagu wadaa inay dib ugu soo laabtaan Soomaaliya, xilli ay dowladda KMG ah iyo ciidamada AMISOM isku diyaarinayaan inay howgallo ka fuliyaan dalka Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/10/2012 8:50 AM EST
Khamiis, May 10, 2012 (HOL) — Madaxweynaha Soomaaliya, Shariif Sheekh Axmed ayaa maanta dalacsiiyay 141-sarkaal oo ka tirsan booliiska Soomaaliya oo uu ku jiro taliyaha ciidanka booliiska Soomaaliya, Jen. Shariif Sheekhunaa Maye.

5/10/2012 8:06 AM EST
Khamiis, May 10, 2012 (HOL) — Ciidamada dowladda KMG ah iyo kuwa AMISOM oo iskaashanaya ayaa saakay ka saaray dadkiii deggenaa iyo kuwii ku ganacsanaya ka saaray dhismayaal wasaaradeed oo ku yaalla agagaarka isgoysyada Banaadir iyo Zope.

5/10/2012 7:36 AM EST
Khamiis, May 10, 2012 (HOL) — Wafdi ay hoggaaminayaan wasiirro ka socda dalalka Koonfur Afrika iyo Musambiik ayaa maanta booqday Muqdisho iyagoo la kulmay ra'iisul wasaaraha Soomaaliya, Cabdiweli Maxamed Cali lana hadlay odayaasha-dhaqanka ee ku shirsan Muqdisho.

5/10/2012 6:56 AM EST
Khamiis, May 10, 2012 (HOL) — Ugu yaraan saddex qof oo laba ka mid ah ay yihiin shacab ayaa ku dhintay qarax ciidamada dowladda KMG ah lagula beegsaday jidka Soddonka ee Muqdisho iyo iska-horimaad dhexmaray ciidamada dowladd KMG ah oo ka dhacay jidka warshadaha.

5/10/2012 3:47 AM EST
Khamiis, May 10, 2012 (HOL) — Kooxo hubeysan ayaa xalay ku toogtay degmada Baydhabo ee xarunta gobolka Bay ku toogtay sarkaal lagu magacaabi jiray, Axmed Maxamed Nuur (Fanax) oo ka mid ahaa saraakiisha hay'adda samafalka Islamic Relief.

5/10/2012 3:45 AM EST
Khamiis, May 10, 2012 (HOL) — Ugu yaraan 10-qof oo dhinacyadii dagaalamay ah ayaa ku dhintay in ka badan 20-kalena way ku dhaawacmeen dagaal culus oo duleedka degmada Xudur ku dhexmaray ciidamada DKMG ah oo garabsanaya kuwa Itoobiya iyo xoogagga Al-shabaab.