8/13/2020
Today from Hiiraan Online:  _
Wararka Maanta- Khamiis, July 26, 2012
Bannaanbax lagu dalbanayo inay xilliga KMG ah lasoo gabgabeeyo Ogoosto lana qabto doorasho xalaal ah oo Muqdisho ka dhacay


DIBAD.jpg

Khamiis, July 26, 2012 (HOL) — Waxaa magaalada Muqdisho maanta oo Khamiis ah ka dhacay dibadbax lagu dalbanayo in xilliga KMG ah lasoo gabgabeeyo 20-ka bisha Ogoosto ee soo sannadkan iyo in la qabto doorasho xor ah oo xalaal ah.

Banaanbaxan oo ay kasoo qaybgaleen boqolaal qof ayaa sidoo kale lagu taageeray shirka ansixinta dastuurka ee ka furmay Muqdisho, kaasoo sagaal maalmood socon doona, gun dhina u ah sida ay madaxda DKMG ah sheegeen in laga gudbo KMG-ka.

"Waxaan doonaynaa in lasoo gabgabeeyo xiliga KMG ah bisha Ogoosto ee sanadkan sidoo kalena la qabto doorasho xor ah oo xalaal ah," ayaa ku qornaa boorarki ay wateen dibadbaxayaasha, kuwaasoo socod ku maray waddooyinka Muqdisho qaar ka mid ah.

Dadweynihii dibadbaxa dhigayay oo isugu jiray qaybaha kala duwan ee bulshada ayaa waxay ku qaylinayeen inaysan ogolaan karin in xilliga KMG ah uu dib uga dhaco xilligii loo qabtay, iyagoo sheegay inay soo dhaweynayaan tallaabo walba oo lagu doonayo in KMG-nimada looga baxo.

DIBAD2.jpg

"Wax walba oo horumar horseedaya waan soo dhaweynaynaa, waayo kuma sii jiri karno xilli KMG ah, waxaan doonaynaa Soomaaliya oo dib cagaheeda isugu taagta," ayay tiri mid ka mid haweenkii dibadbaxa ka qaybqaadanayay.

Bannaanbaxan ayaa wuxuu noqonayaa kii ugu horreeyay oo shacabka Muqdisho ay ku dalbadaan in ka bixitaanka xilliga KMG ah aanu ka dib marin bisha Ogoosto ee soo socota, waxaana tani ay muujinaysaa inay dadku ka daaleen dhibaatooyinkii dalka soo maray.

Ugu dambeyn, dibadbaxayaasha qaarkood ayaa sheegay inay ku faraxsan yihiin in Muqdisho ay martigelisay shirka lagu ansixinayo dastuurka laguna dhisayo dowlad aan KMG ah ahayn oo ay Soomaaliya yeelato.

DIBAD4.jpg
DIBAD3.jpg
DIBAD5.jpg
DIBAD6.jpg
DIBAD7.jpg
DIBAD8.jpg
DIBAD9.jpg

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
7/26/2012 10:27 AM EST
Khamiis, July 26, 2012-Wasaaradda caafimaadka ee Puntland ayaa soo saartay amar si kumeel gaar ah shaqada looga joojinayo shaqaalaha ajaanibta ah ee ka howlgala goobaha caafimaadka ee gaarka loo leeyahay.

7/26/2012 8:16 AM EST
Khamiis, July 26, 2012 (HOL) — Ciidamada AMISOM ee ku sugna Baydhabo oo 100 askari ka kooban ayaa waxay isku diyaarinayaan inay la wareegaan sugidda amniga degmada Baydhabo ee gobolka Bay, halkaasoo ay tageen bishii Abriil ee sannadkan.

7/26/2012 7:55 AM EST
Khamiis, July 26, 2012 (HOL) — Labaddii sano ee u dambeeyey ayaa dadweynaha Somaliland ku baraarugeen inay iskood u samaystaan wadooyinka deegaanadoodda, si ay horumarka, ganacsiga iyo isku xidhnaanta magaalooyinkoodu u fududaato.

7/26/2012 7:27 AM EST
Khamiis, July 26, 2012 (HOL) — Wareegto kasoo baxday xafiiska madaxweynaha DKMG ah ee Soomaaliya oo ku taariikheysnayd 23-kii bishan oo aan weli saxaafadda loosoo bandhigin ayaa lagu sheegay in gobolka Hiiraan loo qaybiyay laba gobol oo lagu kala ah: gobolka Hiiraan iyo gobolka Shabeellada sare.

7/26/2012 6:56 AM EST
Khamiis, July 26, 2012 (HOL) — Wasiirka arrimaha Afrika ee Birtain, Henry Bellingham ayaa soo dhaweeyay warbixinta kooxda la-socodka arrimaha Soomaaliya iyo Eritrea ay kasoo saareen Soomaaliya, isagoo carrabka ku adkeeyey baahida looga qabo in horumar dheeri ah laga sameeyo kor-u-qaadista daah-furnaanta Soomaaliya iyo in la hubiyo in Ku-meel-gaarnimada lagu soo gebagebeeyo waqtigii loogu talo-galay.

7/26/2012 5:04 AM EST
Khamiis, July 26, 2012 (HOL) — Deegaanka Beergadiid oo qiyaastii 48km u jira magaalada Baladweyne oo xarunta gobolka Hiiraan ayaa la dhagax-dhigay markii ugu horeysay Isbitaal ay yeelanayaan bulshada ku dhaqan deegaannkaas oo dhibaato xoog leh ku qaba dhinaca adeega caafimaadka.

7/26/2012 5:04 AM EST
Khamiis, July 26, 2012 (HOL) — Golaha ammaanka ee Qaramada Midoobay ayaa soo dhaweeyay shirweynaha ansixinta dastuurka ee shalay oo Arbaco ahayd ka furmay Muqdisho, iyagoo ku goodiyay inay tallaabo ka qaadi doonaan shaqsiyaadka caqabadda ku ah nabadda, ammaanka iyo deggenahaashaha Soomaaliya, xitaa haddii laga gudbo xilliga KMG ah.

7/26/2012 5:02 AM EST
Khamiis, July 26, 2012 (HOL) — Shirweynihii ansixinta dastuurka qabyada ah ee Soomaaliya ayaa maalintii labaad galay iyadoo ergadu ay ka doodayso qodobbada dastuurka, inkastoo aysan awood u lahayn inay wax ka bedel ku sameeyaan.