8/13/2020
Today from Hiiraan Online:  _
Wararka Maanta- Khamiis, July 26, 2012
Qarammada Midoobay oo ku hanjabtay inay tallaabo ka qaadi doonto kuwa caqabadda ku ah nabadda Soomaaliya


Khamiis, July 26, 2012 (HOL) — Golaha ammaanka ee Qaramada Midoobay ayaa soo dhaweeyay shirweynaha ansixinta dastuurka ee shalay oo Arbaco ahayd ka furmay Muqdisho, iyagoo ku goodiyay inay tallaabo ka qaadi doonaan shaqsiyaadka caqabadda ku ah nabadda, ammaanka iyo deggenahaashaha Soomaaliya, xitaa haddii laga gudbo xilliga KMG ah.

Madaxaweynaha golaha ammaanka oo ah ergayga Colombia u fadhiya Qaramada Midoobay ayaa warsaxaafadeed uu soo saaray ku sheegay inay soo dhaweynayaan horumarradii ugu dambeeyay ee laga sameeyay xilliga kala guurka ah ee Soomaaliya, taasoo ay ku jirto xulistaanka 825 ergay ee ansixinaysa dastuurka.

"Saxiixayaasha heshiiska khariidadda nabadda waa inay xoojiyaan dadaallada looga gudbayo xilliga KMG ah inta aan la gaarin 20-ka bisha Ogoosto ee sannadkan," ayaa lagu yiri warsaxaafadeedka kasoo baxay golaha ammaanka ee Qaramada Midoobay.

Goluhu wuxuu muujiyay sida uu niyad-jabsan yahay warbixinta ka hadlaysa musuq-maasuqa dhaqaale ee Soomaaliya, iyagoo ku baaqay in la joojiyo ku takri-falka hantida loogu deeqay shacbka Soomaaliyeed.

Dhanka kale, golaaha ammaanka ee Qaramada Midoobay wuxuu hal sano oo dheeri ah ugu daray inay sii shaqeeyaan guddiga la socodka cunno-qabteynta hubka ee Soomaaliya iyo Eritrea, kuwaasoo dhawaan soo bandhigay warbixin ku eedeysay madaxda dowladda KMG ah inay lunsadeen hanti Qaran.

Guddigan ayaa waxay shaqeyn doonaa illaa 25-ka bisha Ogoosto ee sannadkan soo socda, iyadoo warbixinta lagu sheegay in shixnadaha hubka ah ee ciidamada Midowga Afrika ee ku sugan Soomaaliya aysan quseyn howsha ay hayaan.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
7/26/2012 10:27 AM EST
Khamiis, July 26, 2012-Wasaaradda caafimaadka ee Puntland ayaa soo saartay amar si kumeel gaar ah shaqada looga joojinayo shaqaalaha ajaanibta ah ee ka howlgala goobaha caafimaadka ee gaarka loo leeyahay.

7/26/2012 8:32 AM EST
Khamiis, July 26, 2012 (HOL) — Waxaa magaalada Muqdisho maanta oo Khamiis ah ka dhacay dibadbax lagu dalbanayo in xilliga KMG ah lasoo gabgabeeyo 20-ka bisha Ogoosto ee soo sannadkan iyo in la qabto doorasho xor ah oo xalaal ah.

7/26/2012 8:16 AM EST
Khamiis, July 26, 2012 (HOL) — Ciidamada AMISOM ee ku sugna Baydhabo oo 100 askari ka kooban ayaa waxay isku diyaarinayaan inay la wareegaan sugidda amniga degmada Baydhabo ee gobolka Bay, halkaasoo ay tageen bishii Abriil ee sannadkan.

7/26/2012 7:55 AM EST
Khamiis, July 26, 2012 (HOL) — Labaddii sano ee u dambeeyey ayaa dadweynaha Somaliland ku baraarugeen inay iskood u samaystaan wadooyinka deegaanadoodda, si ay horumarka, ganacsiga iyo isku xidhnaanta magaalooyinkoodu u fududaato.

7/26/2012 7:27 AM EST
Khamiis, July 26, 2012 (HOL) — Wareegto kasoo baxday xafiiska madaxweynaha DKMG ah ee Soomaaliya oo ku taariikheysnayd 23-kii bishan oo aan weli saxaafadda loosoo bandhigin ayaa lagu sheegay in gobolka Hiiraan loo qaybiyay laba gobol oo lagu kala ah: gobolka Hiiraan iyo gobolka Shabeellada sare.

7/26/2012 6:56 AM EST
Khamiis, July 26, 2012 (HOL) — Wasiirka arrimaha Afrika ee Birtain, Henry Bellingham ayaa soo dhaweeyay warbixinta kooxda la-socodka arrimaha Soomaaliya iyo Eritrea ay kasoo saareen Soomaaliya, isagoo carrabka ku adkeeyey baahida looga qabo in horumar dheeri ah laga sameeyo kor-u-qaadista daah-furnaanta Soomaaliya iyo in la hubiyo in Ku-meel-gaarnimada lagu soo gebagebeeyo waqtigii loogu talo-galay.

7/26/2012 5:04 AM EST
Khamiis, July 26, 2012 (HOL) — Deegaanka Beergadiid oo qiyaastii 48km u jira magaalada Baladweyne oo xarunta gobolka Hiiraan ayaa la dhagax-dhigay markii ugu horeysay Isbitaal ay yeelanayaan bulshada ku dhaqan deegaannkaas oo dhibaato xoog leh ku qaba dhinaca adeega caafimaadka.

7/26/2012 5:02 AM EST
Khamiis, July 26, 2012 (HOL) — Shirweynihii ansixinta dastuurka qabyada ah ee Soomaaliya ayaa maalintii labaad galay iyadoo ergadu ay ka doodayso qodobbada dastuurka, inkastoo aysan awood u lahayn inay wax ka bedel ku sameeyaan.