8/13/2020
Today from Hiiraan Online:  _
Wararka Maanta- Arbaco, July 25, 2012
Ciidamada Itoobiya oo Xabsiga u Taxaabay Taliyaha Booliiska Baydhabo iyo Taliyaha Booliiska Gobollada Bay iyo Bakool


Arbaco, July 25, 2012 (HOL) — Ciidamada Itoobiya ee ku sugan degmada Baydhabo ee xarunta gobolka Bay ayaa xabsiga dhigay maanta taliyihii ciidamada booliiska degmada Baydhabo, Aadan Biid iyo taliyaha ciidamada booliiska DKMG ee gobollada Bay iyo Bakool, Aadan Doodishe.

Wararka laga helayo degmada Baydhabo ayaa sheegayaan in labadan sarkaal lagu eedeeyay inay xabsiga Baydhabo kasii daayeen maxaabiis loo haystay inayu xiriir la lahaayeen Xarakada Al-shabaab.

"Xariga wuu jiraa waxaana socda dadaallo lagu doonayo in lagu sii daayo labada sarkaal," ayuu yiri sarkaal ku sugan degmada Baydhabo oo diiday in magaciisa laga siidaayo saxaafadda sababo la xiriira inaan loo ogeyn inuu dhiibo wabixin arrintan ku saabsan.

Mas'uuliyiinta maamulka degmada Baydhabo iyo kan gobolka Bay ee DKMG ah ayaa ka gaabsaday inay ka hadlaan xarigga saraakiishan ay u geysteen ciidamada Itoobiya oo kuwa dowladda KMG ah gacan ka siiya dagaalka lagula jiro Al-shabaab.

Ciidamada Itoobiya ayaan iyaguna ka hadlin sababta ay u xireen maanta labadan sarkaal, waxaana xarigooda uu kusoo beegmayaa xilli ay xaalad ammaan-darro ka jirto degmada baydhabo ee gobolka Bay.

Degmad Baydhabo ayaa waxay ka mid tahay degmooyinka horrantii sannadkan laga qabsaday Xarakada Al-shabaab, waxaana tan iyo xilligaas ka dhacayay gudaha iyo daafaha degmadaas qaraxyo iyo dilal qorsheysan oo ay geysanayaan kooxo xiriir la leh Al-shabaab.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
7/25/2012 3:21 PM EST
Columbus, Ohio (HOL) Gudoomiyaha Gudiga badbaadinta Geeska Afrika Muuse Cabdi Faarax ayaa maalintii Khamiista ee bishan July 19keedii magaalada Washington kula kulmay Madaxweyne-ku-xigeenka dalka Mareyknaka Mudane Joe Biden.

7/25/2012 9:47 AM EST
Arbaco, July 25, 2012 (HOL) — Shirka ansixinta dastuurka ee maanta ka furmay Muqdisho ayaa waxaa hadallo kala duwan ka jeediyay madaxda dowladda KMG ah ee Soomaaliya, waxaana mas'uuliyiintii hadlay oo dhan ay ku tilmaameen guul la gaaray.

7/25/2012 8:36 AM EST
Arbaco, July 25, 2012 (HOL) — Golaha ammaanka ee Qaramada Midoobay ayaa si kooban uga dooday xalay oo Talaado ahayd warbixin ay soo diyaariyeen guddiga la socodka cunno-qabateynta hubka ee Soomaaliya iyo Eritrea, taasoo ku eedeysay madaxda dowladda KMG ah inay lunsadeen dhaqaale loogu deeqay Soomaaliya.

7/25/2012 8:35 AM EST
Arbaco, July 25, 2012 (HOL) — Afartaneeye guri oo ku yaalla magaalada Hargeysa ayaa khasaare ka soo gaadhay Roobab Dabaylo watay oo shalay galab ilaa xalay ka da’ayey magaaladda iyo agagaarkeedda, kuwaas oo guryo badan jiingaddii sare ka qaaday.

7/25/2012 4:47 AM EST
Arbaco, July 25, 2012 (HOL) — Xarakada Al-Shabaab oo dagaal kula jirta dowladda KMG ah iyo AMISOM ayaa ku goodisay inay beegsan doonto odayaasha iyo ergada uu Muqdisho uga furmay shirka lagu ansixinayo dastuurka qabyada ah ee Somalia.

7/25/2012 4:33 AM EST
Arbaco, July 25, 2012 (HOL) — Waxaa goor dhaweyd si rasmi ah uga furmay magaalada Muqdisho shirka ansixinta dastuurka qabyada ah ee Soomaaliya, iyadoo la adkeeyay ammaanka guud ee halka uu shirku ka furmayo iyo wadooyinka Muqdihso qaarkood.