7/13/2020
Today from Hiiraan Online:  _
Wararka Maanta- Sabti, Nov 3 , 2012
Bam-gacmeed xalay lagu weeraray Askar ka tirsan ciidamada Dowladda oo sababtay khasaare soo gaaray dad shacab ah


Sabti, November 03, 2012 (HOL) — Hal qof oo rayid ah ayaa ku dhintay saddex kalena way ku dhaawacmeen bam-gacmeed xalay lagu weeraray ciidammo ka tirsan kuwa dowladda Soomaaliya oo ku sugnaa xaafadda mac-macaanka ee degmada degmada Dharkeynley.

Taliyaha booliiska degmada Dharkeynley, Maxamed Qaasmin ayaa wrabaahinta u sheegay in weerarka uu ahaa mid ay geysteen kooxo qas-wadayaal ah, isagoo xusay inay ku jiraan baadi-goob ay ku raadinayaan kooxahaas.

"Qaraxa bambaano wuxuu ka dhacay biibito ay dad shacab ah shaah ku cabayeen taasoo ku dhow bar-koontaool oo ay ku sugnaayeen ciidamada dowladda, waxaa dhintay qof shacab ah, saddex kalena dhaawacyo ayaa gaaray," ayuu yiri taliyaha booliiska degmada Dharkeynley.

Taliyaha ayaa wuxuu sheegay inay ka warhayaan halkii laga soo abaabulay weerarka iyo kooxihii geystay, ayan saacadaha soo socda u soo bandhigi doonaan saxaafadda dhammaan intii ku lug lahayd weerarkii xalay.

Dadkii ku dhaawacmay weerarka oo dhacay xalay fiidkii ayaa la geeyay isbtiaalka Madiina si loogu daweeyo, iyadoo qofkii maydka ahaana la dhigay gurigiisa kaasoo lagu wado in saakay la aaso.

Weerarkan bambaano ayaa noqonaya kii ugu horreeyay oo toddobaadyadan ka dhaca degmadaas, waxaana degmadan ay ka mid tahay degmooyinka ay ku xooggan tahay dowladda Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
11/3/2012 5:55 PM EST
Sabti, November 03, 2012(HOL): Baarlamaanka dalka Ingiriiska ayaa waxaa la horgeeyay mooshin ka dhan ah Idaacadda Bar-Kulan iyo Shirkadda maamusho ee Albany kaddib markii lagu eedeeyay xadgudubyo ka dhan ah xuquuqda dadka u shaqeeya.

11/3/2012 9:26 AM EST
Sabti, November 03, 2012 (HOL) — Xildhibaannada baarlamaanka Soomaaliya ayaa kulan ay maanta yeesheen xaruntooda Muqdisho waxay ku diideen qodobbo ka mid ah dastuurka oo uu ka mid yahay qodob dhigaya in madaxweynuhu uu kala diri karo baarlamaanka Soomaaliya.

11/3/2012 8:53 AM EST
Sabti, November 03, 2012 (HOL) — Madaxweynaha Somaliland Md:Axmed Maxamed Maxamuud (Siillaanyo), ayaa maanta ka qaybgalay sanad-guuradii 19naad ee ka soo wareegtay aasaaskii ciidanka Booliska Somaliland.

11/3/2012 8:46 AM EST
Sabti, November 03, 2012 (HOL) — Madaxweynaha Soomaaliya, Xasan Sheekh Maxamuud ayaa maanta kulan kula yeeshay xarunta madaxtooyada Soomaaliya wafdi ka socda Midowga Yurub oo uu hoggaaminayo danjiraha Midowga Yurub ee Soomaaliya, Michele Cervone d'Urso.

11/3/2012 8:23 AM EST
Sabti, November 03, 2012 (HOL) — Ugu yaraan saddex qof oo laba ka mid ah ay ahaayeen raggii sameeyay ismiidaaminta ayaa ku dhintay qaraxyo ismiidaamin ah oo goor-dhaweyd ka dhacay afaafka hore baar lagu magacabo The Village oo ku yaal inta u dhexeysa isgoyska Zope iyo isbitaalka Digfeer ee magaalada Muqdisho, iyadoo ay ku dhaawacmeen in ka badan 10-qof oo qaar ka mid ah uu firirku ugu tagay gudaha baarka.

11/3/2012 7:35 AM EST
Sabti, November 03, 2012 (HOL) — Gaadiidka iskaga kala goosha Jabuuti iyo Somaliland, ayaa sheegay inay dhibaato ka soo gaadhay buundo biyo mareen ah oo ka go’day inta u dhexeysa magaaladda Lawyo-Caddo iyo Saylac.

11/3/2012 7:34 AM EST
Sabti, November 03, 2012 (HOL) — Ciidamada milateriga Soomaaliya ayaa maanta ka sameeyay Muqdisho howgallo ay kusoo qabqabteen ciidammo kale oo hub ku dhexwatay magaalada Muqdisho, iyadoo howgalladaas ay ciidamadu ku dileen qof watay tuuraha ciidamada dowladda.

11/3/2012 7:09 AM EST
Sabti, November 03, 2012 (HOL) — Roobab mahiigaan ah oo ka dagay gobollada Saaxil iyo Togdheer ee Somaliand ayaa waxaa ku barakacay kumannaan qof oo ku noolaa deegaannada ay roobabka ka da'een, sida uu sheegay sarkaal sare oo ka tirsan maamulka Somaliland.

11/3/2012 3:46 AM EST
Sabti, November 03, 2012 (HOL) — Taliyaha ciidamada xoogga, Jen. Cabdulqaadir Sheekh Cali Diini ayaa sheegay in xooggagga Raaskambooni ee ka dagaalamaya gobollada Jubbooyinka ay ka tirsan yihiin ciidamada dowladda Soomaaliya, isagoo inaysan Jubbooyinka joogin ciidan aan ahayn kuwa dowladda.

11/3/2012 3:33 AM EST
Sabti, November 03, 2012 (HOL) —Waxaa maanta lagu qabtay xarunta Jaamacadda Lower Jubba University ee magaalada Kismaayo xaflad qalinjabin ah taasoo shahaadooyin lagu gudoonsiinayay ilaa 27-arday oo ka Qalinjabisay qeybaha waxbarashada Jaamacadda.

11/3/2012 3:27 AM EST
Sabti, November 03, 2012 (HOL) — Dowladda Uganda ayaa ku hanjabtay inay kala baxayso ciidamadeeda nabad ilaalinta ah dalal ay ku jiraan Soomaaliya iyo DR Congo, kaddib markii Qaramada Midoobay ay ku eedeysay inay inay taageerto jabhadda M23 ee ka dagaalanta bariga DF Congo. Iyadoo Al-shabaab ay xustay in go'aankan uu fududeynayo dagaalka ay kula jirto AMISOM.

11/3/2012 2:58 AM EST
Sabti, November 03, 2012 (HOL) — Xildhibaannada baarlaamanka Soomaaliya ayaa waxay maanta oo Sabti ah ayaa waxay xaruntooda Muqdisho ku yeelanayaan kulan looga hadlayo xeer hoosaadka baarlamaanku uu ku shaqeynayo afarta sano ee soo socota.

11/3/2012 2:53 AM EST
Sabti, November 03, 2012 (HOL) — Wafdi ka socda dowladda Soomaaliya iyo AMISOM ayaa shalay gaaray magaalada Kismaayo ee xarunta gobolka Jubbada Hoose; iyadoo wafdigan ay soo dhaweeyeen saraakiisha dowladda iyo kuwa Raaskaambooni ee ku sugan degmada Kismaayo.

11/3/2012 2:51 AM EST
Sabti, November 03, 2012 (HOL) — Ciidamada maamulka gobolka Hiiraan ayaa gacanta ku dhigay illaa lix ruux oo dhalinyarro ah kuwaasoo lagu qabtay iyaga oo sita walxaha qarxa sida ay warbaahinta u sheegeen mas’uuliyiinta maamulka gobolka.