7/13/2020
Today from Hiiraan Online:  _
Wararka Maanta- Axad, July 25, 2012
Guddoomiyaha Guddiga Badbaadinta Geeska Africa oo la kulmay Madaxweyne-ku-xigeenka dalka Mareykanka


Columbus, Ohio (HOL) Gudoomiyaha Gudiga badbaadinta Geeska Afrika Muuse Cabdi Faarax ayaa maalintii Khamiista ee bishan July 19keedii magaalada Washington kula kulmay  Madaxweyne-ku-xigeenka dalka Mareyknaka Mudane Joe Biden.

Muuse Cabdi Faarax ayaa Madaxweyne-ku-xigeenka kala hadlay arimaha geeska Afrika gaar ahaan arimaha Somalia, waxa uu marka hore uga mahadceliyay taakuleynta bini'aadanimo ay mar walba u fidiyaan umadda Soomaaliyeed ee colaada daba dheeraatay iyo abaaraha isugu darsoomeen.

Mr. Faarax waxaa uu sidoo kale kala hadlay Mr. Biden in xiriirka u dhexeeya labada dawladood la xoojiyo lana isdhaafsaddo xiriir safaaradeed. "Dowladda Mareykanka oo safaarad ka furata dalka Soomaaliya wax weeyn ayey ka bedeleysaa Dawladnimadda Soomaaliya" ayuu yiri Muuse Cabdi Faarax.  "Waa in la helaa ergo kasocota dawladda Mareykanka iyo beesha caalamka oo ay hormood ka yiheen dawladda Mareykanka si ay goob-joog uga noqdaan doorashadda inagu soo foodleh ee bisha August 20 keeda si looga baxo nidaamka ku-meel gaarka ah"

Madaxweyne ku-xigeenka dalka Mareykanka Mr. Joe Biden ayaa si wanaagsan u soo dhaweeyey codsiga Mr. Faarax, wuxuuna rajo weyn ka muujiyey in xaaladda Soomaaliya ay soo wanaagsnaaneyso. Waxaan rajeynayaa ayuu yiri Mr. Biden in mar kale aan dib ugu noqondoono magaalada Muqdisho.

Hiiraan Online
Columbus, OH










Click here
7/25/2012 9:47 AM EST
Arbaco, July 25, 2012 (HOL) — Shirka ansixinta dastuurka ee maanta ka furmay Muqdisho ayaa waxaa hadallo kala duwan ka jeediyay madaxda dowladda KMG ah ee Soomaaliya, waxaana mas'uuliyiintii hadlay oo dhan ay ku tilmaameen guul la gaaray.

7/25/2012 8:38 AM EST
Arbaco, July 25, 2012 (HOL) — Ciidamada Itoobiya ee ku sugan degmada Baydhabo ee xarunta gobolka Bay ayaa xabsiga dhigay maanta taliyihii ciidamada booliiska degmada Baydhabo, Aadan Biid iyo taliyaha ciidamada booliiska DKMG ee gobollada Bay iyo Bakool, Aadan Doodishe.

7/25/2012 8:36 AM EST
Arbaco, July 25, 2012 (HOL) — Golaha ammaanka ee Qaramada Midoobay ayaa si kooban uga dooday xalay oo Talaado ahayd warbixin ay soo diyaariyeen guddiga la socodka cunno-qabateynta hubka ee Soomaaliya iyo Eritrea, taasoo ku eedeysay madaxda dowladda KMG ah inay lunsadeen dhaqaale loogu deeqay Soomaaliya.

7/25/2012 8:35 AM EST
Arbaco, July 25, 2012 (HOL) — Afartaneeye guri oo ku yaalla magaalada Hargeysa ayaa khasaare ka soo gaadhay Roobab Dabaylo watay oo shalay galab ilaa xalay ka da’ayey magaaladda iyo agagaarkeedda, kuwaas oo guryo badan jiingaddii sare ka qaaday.

7/25/2012 4:47 AM EST
Arbaco, July 25, 2012 (HOL) — Xarakada Al-Shabaab oo dagaal kula jirta dowladda KMG ah iyo AMISOM ayaa ku goodisay inay beegsan doonto odayaasha iyo ergada uu Muqdisho uga furmay shirka lagu ansixinayo dastuurka qabyada ah ee Somalia.

7/25/2012 4:33 AM EST
Arbaco, July 25, 2012 (HOL) — Waxaa goor dhaweyd si rasmi ah uga furmay magaalada Muqdisho shirka ansixinta dastuurka qabyada ah ee Soomaaliya, iyadoo la adkeeyay ammaanka guud ee halka uu shirku ka furmayo iyo wadooyinka Muqdihso qaarkood.