7/13/2020
Today from Hiiraan Online:  _
Wararka Maanta- Arbaco, July 25, 2012
Shirkii Ansixinta Dastuurka Qabyo-Qoraalka Soomaaliya oo si rasmi ah Maanta uga furmay Magaalada Muqdisho


Arbaco, July 25, 2012 (HOL) — Waxaa goor dhaweyd si rasmi ah uga furmay magaalada Muqdisho shirka ansixinta dastuurka qabyada ah ee Soomaaliya, iyadoo la adkeeyay ammaanka guud ee halka uu shirku ka furmayo iyo wadooyinka Muqdihso qaarkood.

Furitaanka shirka ayaa waxaa hadallo ka jeedinaya madaxda DKMG ah, dajire Augustine Mahiga iyo xubno ka socda ururka Midowga Afrika, iyadoo ay goobta shirka ku sugan yihiin ergadii ansixin lahayd dastuurka qabyada ah ee Soomaaliya.

"Ergada shirka ka qaybgalaysa 90% waxay ku sugan yihiin goobta, inta dhimanna dib ayay ka imaan doonaan," ayuu yiri wasiirka dastuurka iyo arrimaha federaalka DKMG ah ee Soomaaliya, C/raxmaan Xoosh Jabriil oo ka jeediyay hadal goobta uu shirku ka socdo, isagoo xusay in shirku uu socon doono sagaal maalmood.

Wasiirku wuxuu sheegay in shirkan uu xigi doono shirka lagu soo bandhigi doono magacyada xildhibaannada cusub ee baarlamaanka, kuwaasoo bedeli doona kuwa hadda jooga soona dooran doona guddoomiyaha baarlamaanka, ku xigeennadiisa iyo madaxweynaha Jamhuuriyadda Federaalka Soomaaliya.

Ra'iisul wasaaraha Soomaaliya, Cabdiweli Maxamed Cali ayaa horay u sheegay in shirkan lagu ansixinayo dastuurka uu yahay mid looga gudbayo qodobkii ugu weynaa ee heshiiska tubta nabadda kaasoo ah in dastuurka la meel-mariyo, isagoo xusay inaysan suurogal ahayn in dowladda cusub la dhiso iyadoo aanu dastuur jirin.

Ciidamada AMISOM iyo kuwa dowladda KMG ah ayaa adkeeyay goobta shirka iyo waddooyinka galaya oo dhan, iyadoo ergooyinka shirka ka qaygalaya, odayaasha iyo marti-sharafta kale la marsiiyay baaritaanno adag.

Shirkan oo illaa saddex jeer oo hore baaqday ayaa wuxuu furitaankiisa noqonayaa caqabad weyn oo ay ka gudubtay xukuumadda KMG ah ee Soomaaliya oo xilligeedu ku eg-yahay bisha Ogoosto ee soo socota.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
7/25/2012 3:21 PM EST
Columbus, Ohio (HOL) Gudoomiyaha Gudiga badbaadinta Geeska Afrika Muuse Cabdi Faarax ayaa maalintii Khamiista ee bishan July 19keedii magaalada Washington kula kulmay Madaxweyne-ku-xigeenka dalka Mareyknaka Mudane Joe Biden.

7/25/2012 9:47 AM EST
Arbaco, July 25, 2012 (HOL) — Shirka ansixinta dastuurka ee maanta ka furmay Muqdisho ayaa waxaa hadallo kala duwan ka jeediyay madaxda dowladda KMG ah ee Soomaaliya, waxaana mas'uuliyiintii hadlay oo dhan ay ku tilmaameen guul la gaaray.

7/25/2012 8:38 AM EST
Arbaco, July 25, 2012 (HOL) — Ciidamada Itoobiya ee ku sugan degmada Baydhabo ee xarunta gobolka Bay ayaa xabsiga dhigay maanta taliyihii ciidamada booliiska degmada Baydhabo, Aadan Biid iyo taliyaha ciidamada booliiska DKMG ee gobollada Bay iyo Bakool, Aadan Doodishe.

7/25/2012 8:36 AM EST
Arbaco, July 25, 2012 (HOL) — Golaha ammaanka ee Qaramada Midoobay ayaa si kooban uga dooday xalay oo Talaado ahayd warbixin ay soo diyaariyeen guddiga la socodka cunno-qabateynta hubka ee Soomaaliya iyo Eritrea, taasoo ku eedeysay madaxda dowladda KMG ah inay lunsadeen dhaqaale loogu deeqay Soomaaliya.

7/25/2012 8:35 AM EST
Arbaco, July 25, 2012 (HOL) — Afartaneeye guri oo ku yaalla magaalada Hargeysa ayaa khasaare ka soo gaadhay Roobab Dabaylo watay oo shalay galab ilaa xalay ka da’ayey magaaladda iyo agagaarkeedda, kuwaas oo guryo badan jiingaddii sare ka qaaday.

7/25/2012 4:47 AM EST
Arbaco, July 25, 2012 (HOL) — Xarakada Al-Shabaab oo dagaal kula jirta dowladda KMG ah iyo AMISOM ayaa ku goodisay inay beegsan doonto odayaasha iyo ergada uu Muqdisho uga furmay shirka lagu ansixinayo dastuurka qabyada ah ee Somalia.