Hiiraan Online

Arbaco, Augusto, 28, 2019 (HOL)- Madaxweynaha Puntland, Siciid Cabdullaahi Deni ayaa ku sugan magaalada Addis Ababa ee xarunta dalka Itoobiya, halkaa oo uu kullamo ku qaadanayo.

Kullan galinkii dambe ee Arbacadda maanta ka dhacay magaalada Addis Ababa ayaa waxaa isku arkay madaxweyne Deni iyo madaxweynihii xilka ku wareejiyay ee Cabdiweli Gaas.

Madaxtooyadda Puntland oo qoraal kooban kullanka uga hadashay ayaa sheegtay inuu ku yimid ka dib qado sharaf uu u sameeyay mas'uuliyiinta madaxweyne ku-xigeenkii hore ee Puntland, Cabdixakiin Camey oo xilligan ah safiirka dowladda Soomaaliya u fadhiya dalka Itoobiya.

Waxaa kalo kullanka ka qaybgalay xildhibaanno ka tirsan golaha wakiillada Puntland.