SAWIRRO: Boqollaal Arday ah oo ka Qalin-jabiyay Jaamacadda Somalia ee Magaalada Muqdisho
Sabti, September 03, 2016
(HOL) — Xaflad Qalin-jabin ah ayaa loogu sameeyay Muqdisho tiro ka badan
- 533-ardey oo dhameysatay Waxbarashadii Jaamacadda Somali International
University (SIU), waxaana ka Qayb-galay xildhibaano, wasiiro, siyaasiyiin, mas’uuliyiin
ka socday Jaamacado ku yaala Ugnada iyo Kenya, waalidiin iyo ardaydii qalin-jabisay.
Waxaa furiaankii xafladda ka hadlay, Guddoomiyaha Guddiga Jaamacadda
SIU, C/raxmaan Jaamac Ducaale oo yiri. “Jaamacadda waxaa maanta ka
qalin-jabinaya ardey gaaraysa 533, kuwaasoo dhameystay kulliyadaha; Social
Science, Business Administration, Sharai And Law, General Medicine & Surgery,
Nurses, English, Information Technology iyo
Midwifery, muddo dheerna waxbarashda soo waday, isla markaana loo
dhameystiray agabkii waxbarsho ee ay u baahnaayeen.”
Sidoo kale, Munaasabaddaan Qalin-jabinta
ah ee Jaamacadda SIU, ayaa waxaa lagu marti-qaaday Mas’uuliyiin Sare oo ka
tirsan; Kenyatta University, Nairobi University, Makarere Universty,
Guluu Universty iyo Embarere University , waxayna halkaas ka sheegeen
inay aad ugu faraxsan yihiin inay maanta goob-joog ka noqdaan arday Jaamcadda SIU ka qalin-jabineysa, Waxayna hoosta ka xariiqeen in Qalin-jabintaan ay Tusaale u
tahay sii Xoojinta xiriirka Jaamcadda SIU iyo Jaamacadaha Uganda iyo Kenya .
Xubnihii kale ee goobta ka hadlay Waxaa
ka mid ahaa; Wasiir ku xigeennada Caafimaadka iyo Waxbarashada, Cismaan Maxamed
Cabdi (Daallo) iyo Xaamud Cali Xasan, Waxayna sheegeen in Dowladda Federaalka Soomaaliya ay soo dhaweyneyso Ardey intaan la’eg inay
maanta dhameystaan waxbarashadooda, iyagoo ku boorriyay ardayda inay Wabarashadooda sii
wataan illaa ay ka gaaraan meel sare.
Dhanka kale, Yaxye Cali
Ibraahim oo ka mid ah Aas-aasayaashii
Jaamacada SIU oo isagana ka hadlay xaflada ayaa yiri. “Ujeeddadii loo aas-aasey
Jaamacadda Maanta waxaad moodaa in inta badan laga mira-dhaliyey, wixii ka
dhimana waxay ballan-qaadeysaa Jaamacada inay dhameystirto si loo gaaro hadafkii markii hore loo aasaasay Jaamacadda oo ah in Ummadda Soomaaliyeed ay helaan Waxbarasho sare.
Xildhibaannad Maryan Cariif
Qaasim oo ah guddoomiyaha guddiga dastuurka Baarlamanka Federaalka oo Xaflada ka hadashay
ayaa tiri. “Maanta waxaa ii rumowday riyadaydii ahayd in ummadda Soomaaliyeed ay
waxbarasho ku filan helaan, si loo cirib-tiro jahliga oo aan ku Tilmaami karo
mid Ummaddeenna Dib u dhigay, isla markaan ay wax ula Qaybsan waayeen Dadyowga kale
ee Dunida.“
Ugu dambeyn, Munaasabada
ayaa waxaa soo gunaanaday Wasiirka Ganacsiga ee Dowladda Federaalka Soomaaliya, C/rashiid Maxamed
oo mahad-celin kaddib sheegey in Jaamacadda
SIU ay ku guuleysatay inay xiriirro la
sameysto Jaamacadaha caalamka qaarkood, wuxuuna ugu baaqay mus’uulliyiinta Jaamacadda
in ay Xiriirkaas ballaariyaan si Jaamacaddu u hesho macallimiin tayo leh. Iyadoo
intii ay socotay Xafladan Ardeydii dhameystay Waxbarashada halkaas lagu guddoonsiiyay Shahaadooyinkoodii.
Maxamed X. Xuseen, Hiiraan Online
[email protected]
Muqdisho, Soomaaliya
