SAWIRO: Dalladda SOYDEN oo Tababar u soo xirtay xubno ka kala socday Hiiraan iyo Shabeellada Dhexe
Sabti, September 03, 2016
(HOL) — Waxaa Muqdisho lagu soo xiray tababar 10 maalmood u socday, kaasoo
ay ka qaybgaleen xubno ka kala socday degmooyinka Mahaddaay iyo Maxaas oo ka
kala tirsan Gobolladda Shabeelada Dhexe iyo Hiiraan, iyadoo Degmooyinka Jalalaq
iyo Buule-burte tababarro kale loogu qabtay.
Mashruucan oo lopgu magacdaray
QURACA NABADA ama tiiraanyo-bixin ayaa waxaa waday mudooyinkaan dambe Dalladda
SOYDEN oo doonaysa in marka hore dib u heshiisiin loo maro dhinaca tiiraanyo bixinta,
si loo gaaro Nabad iyo Is-cafin; maadama Somalia ay ka dhaceen dagaallo muddo
dheer socday, kaasoo saameyn ku yeeshey dhinaca dabaceedaha dadka, fikirka iyo aragtida,
waxaana tababarkaan casharro ka bixinayay macalimiin ka tirsan - Dalladda
Somali Youth Developments (SOYDEN Oo kala ah Macalin Aadan iyo Macalin Caddow
Guddoomiyaha SOYDEN, Cismaan
Tahliil oo aan wax ka waydiinnay ujeedka loogu qabtay tababarkan gobollada
Hiiraan iyo Shabeeladda Dhexe ayaa ku jawaabay. “Gobolladaas waxaa ka dhacay dagaalo
badan, kuwaasoo aameyn ku yeeshay wax soo saarkii gobolladaas, ujeedkeenuna waa
inay dadka nabad ku noolaadaan si ay horumar u gaaraan.”
Isagoo sii hadlaya ayuu
raaciyay. “Dadka halkaan lagu Tababaray
10-ka Casho waxay qaadanayeen casharo la xirira sidii ay sku daaweyn lahaayeen,
dadkana u daaweyn lahaayeen. Sidaa darteed marka ay ku laabtaan deegaannadooda
waxay tababarayaan dadkooda si dib u heshiisiinta u noqoto mid taaba gasha lana
jabiyo wareegga colaadda si loo dhameeyo colaadaha joogtada noqqday.”
Dhanka kale, Kooxdii tababarku
u dhamaaday waxaa la siiyay Buugaan iyo Qalab kale oo u sahlaya inay u
fududaato dib-u-heshiisiinta iyo tiiraanyo bixinta sidoo kale waxaa ka
qayb-galayaasha halkaas lagu guddoonsiiyay shahaadooyin Aqoonsi u ah tababrka
ay qaateen.
Ugu dambeyn, Tababarkan oo
ahaa wajigii labaad ayaa waxaa ka horeeyay mid loo qabatey degmooyinka Jowhar,
Baled weyne, War sheekh, Cadale, Balacad iyo Matabaan oo ka kala tirsan gobolada
Shabeelada Dhexe iyo Hiiraan, iyadoo xubnihii loo tababaray ay deegaanadooda
weli ka wadaan Howshii loo igmadey oo
ahayd in ay dadka dib u heswhiisiin iyo is-cafin dhex-dhigaan.
Maxamed X. Xuseen, Hiiraan Online
[email protected]
Muqdisho, Soomaaliya
