DAAWO SAWIRADA: Sida looga Ciiday Maanta Magaalada Buulo-burte ee Gobolka Hiiraan
Isniin, September 12, 2016 (HOL) —
Degmada Buula-burte oo ah Magaalada labaad ee ugu ballaaran gobolka Hiiraan ayaa
maanta dadka ku dhaqan waxaa ay si weyn ugu dabaal -dageen munaasabada ciidul
-adxaa, si la mid ah deegaannada kale ee Soomaalida.
Boqolaal shacab ah oo
isaga kala yimid Xaafadaha ay Degmada ka kooban tahay, ayaa waxaa salaadii ciidda
ku oogay Masjidka ugu ballaaran Degmada Buula-burte, kuwaa salaada kaddib ka
dhageystay culumaa’udiinka khubado Diini ah oo la xiriira farxada maalinta ciidda
iyo sida loogu baahan yahay in ay dadku isku naxariistaan.
Magaalada oo muddo dheer
go'doon ugu jirtay Xoogagga Al-shabaab, ayaa hadda u muuqata mid ka soo
kabaneysa arintaa iyada ah, oo waxaa dib u soo laabtay dhaq-dhaqaaqi ganacsiga
iyo guud ahaan nolashadii dadweynaha ku dhaqan degmada, waxaana hadda si toos ah u
taga duulimaadyada isaga goosha magaalooyinka Muqdisho iyo Beledweyne.
Salaadda kaddib, ayay
dadweynuhu la hadleen warbaahinta iyaga oo sheegay inay ku faraxsan yihiin sida
ay uga soo kabanayaan Dhibaatooyinkii kala duwanaa ee soo maray degmadaas ku dhawaad Toddobo sanno saldhig muhiim ah u
aheyd xoogagga Al-shabaab.
Ugu dambeyntii, Munaasabada Ciidda ayaa siddoo kale siweyn looga dabaal-dagay inta badan deegaannada
bartamaha Soomaaliya.
C/raxmaan Diini, Hiiraan
Online
[email protected]
Beledweyne, Soomaaliya